Frankfurter Allgemeine qəzetinin səhifələrində Sebastyan Fettelin müqaviləsinin 2014-cü ilə qədər uzadılmasını şərh edən Red Bull komandasının sahibi Diter Mateşiç bildirib ki, sürücü müəyyən azadlığa malikdir…
Diter Mateşiç: “Əgər bu müddət ərzində biz Sebastyana rəqabətədavamlı maşın verə bilməsək, o bizimlə olan müqaviləni poza bilər – daha güclü maşının sükanı arxasına oturmaq üçün biz onun xahişini rədd edə bilmərik.
Çox güman ki, çempionatda elə bir güclü komanda yoxdur ki, Sebastyanı heyətində görmək istəməsin, amma mən düşünürəm ki, Fettel bizimlə qalmağa üstünlük verəcək – biz bir yerdə müqaviləni uzatmışıq, bizim borcumuz ona sürətli maşın verməkdir.”
