Araqon Qran Prisi: M.Markesdən mövsümdə 4-cü qələbə

Yarışın debütündə səhvə yol verərək beşinci yerə düşən Mark Markes növbə ilə əsas rəqiblərini keçərək finiş xəttini birinci keçib - ispaniyalı sürücü titula doğru vacib addım atıb. Yamaha-nın sürücüləri Xorxe Lorenso və Valentino Rossi podiumda Marka aşağıdan yuxarı baxmalı olublar.

F-1.az bildirir ki, mövsümdə 4-cü və karyerasında 28-ci qələbə mövsümün ldieri üçün heç də asan olmayıb. Pouldan start alan sürücü Honda-sına nəzarəti itirdiyi üçün yarışın əvvəlində 5-ci yerə kimi geriləməli olub.

Liderliyi isə əvvəlcə Maverik Vinyales ələ keçirib, Suzuki-nin sürücüsü hətta rəqiblərindən uzaqlaşa da bilib. Amma sonra diqqət mərkəzinə Rossi gəlib. Doktor əvvəlcə birinci döngədə Yamaha-da indiki komanda yoldaşı Lorensonu, daha sonra isə gələcək komanda yoldaşı Vinyalesi qabaqlayaraq liderliyə yüksəlib.

Markes də dinc dayanmayıb və əvvəlcə Andrea Dovitsiozonu üstələyərək ilk üçlüyə çatmağa can atıb. Daha sonra ikiqat dünya çempionu rəqiblərini bir-bir keçərək liderliyi özünə qaytarıb. Markes bundan sonra rəqiblərinə heç bir şans verməyib.

Yamaha-nın sürücüləri yarışın sonuna qədər mübarizə aparsalar da, finişə 2 dövrə qalmış Rossinin səhvindən yararlanan Lorenso irəli çıxıb.

Vinyales finiş xəttini 4-cü keçib, ilk altlığı isə Kel Kratçlou və Aleş Esparqaro tamamlayıblar.

Yer Sürücü Komanda Zaman/Fərq
1  Mark Markes Repsol Honda Team 41:57.678
2  Xorxe Lorenso Movistar Yamaha MotoGP + 0:02.740
3  Valentino Rossi Movistar Yamaha MotoGP + 0:05.983
4  Maverik Vinyales Team Suzuki ECSTAR + 0:08.238
5  Kel Kratçlou LCR Honda + 0:03.221
6  Dani Pedrosa Repsol Honda Team + 0:17.072
7  Aleş Esparqaro Team Suzuki ECSTAR + 0:18.522
8  Pol Esparqaro Monster Yamaha Tech 3 + 0:19.432
9  Alvaro Bautista Aprilia Racing Team Gresini + 0:23.071
10  Ştefan Bradl Aprilia Racing Team Gresini + 0:27.898
11  Andrea Dovitsiozo Ducati Team + 0:32.448
12  Mikele Pirro Ducati Team + 0:35.033
13  Hektor Barbera Avintia Racing + 0:36.224
14  Yucin Laverti Pull & Bear Aspar Team + 0:37.621
15  Niki Heyden Estrella Galicia 0.0 Marc VDS + 0:40.509
16  Yonni Hernandes Pull & Bear Aspar Team + 0:43.906
17  Danilo Petruççi Octo Pramac Yakhnich + 0:56.740
18  Loris Baz Avintia Racing + 0:59.681
19  Skott Reddinq Octo Pramac Yakhnich + 1:34.126
Finiş görməyənlər:
 Tito Rabat Estrella Galicia 0.0 Marc VDS 16 dövrə
 Aleks Loyes Monster Yamaha Tech 3 0 dövrə
, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*