Almaniya Qran Prisi: Yarış

Quru. Günəşli. Havanın temperaturu +26° C, trasın temperaturu +45° C 2013-cü ilin Almaniya yarışı çox maraqlı alınıb. Bir həftə əvvəl […]

Quru. Günəşli. Havanın temperaturu +26° C, trasın temperaturu +45° C

2013-cü ilin Almaniya yarışı çox maraqlı alınıb. Bir həftə əvvəl Silverstounda çoxsaylı təkər partlamalarından sonra Pirelli mühəndisləri təkərin konstruksiyasında polad təbəqini kevlar təbəqə ilə dəyişiblər – təkərin konstruksiyası 2012-ci ilə yaxınlaşsa da, tərkibi 2013-cü ildə olduğu kimi qalıb.

Kevlar təbəqəli təkərləri komandalar hələ Kanada sərbəst yürüşlərində yoxlamışdılar, amma o zaman komandaların işinə yağış mane olmuşdu, ona görə də çempionat iştirakçıları yeni təkərlərlə uik-endin gedişində tanış olublar.

Daha bərk olan Medium tərkibi hamının xoşuna gəlib, Soft-a bir dövrədə 1.5 saniyə uduzmasına baxmayaraq, daha stabil və daha resurslu olması ilə seçilib. Soft isə daha yaxşı ilişmə təmin etsə də, daha tez yeyilib – ənənəvi sıralanma turu üçün olan təkər.

Hərçənd, sıralanma turunun sonunda heç də hamı Soft-u seçməyib. Ferrari sürücüləri şənbə günü yaxşı mövqe qazanmaq şanslarını bazar gününün fərqli strategiyasına qurban veriblər, Batton və Hülkenberq isə sürətli dövrədən imtina edərək təkər seçimi hüququnu əldə ediblər.

Nəticədə Alonso, Massa, Batton, Hülkenberq, Bottas və Maldonado starta Medium təkərlərlə çıxıblar, yerdə qalan sürücülər isə Soft-u seçiblər.

Startda hər iki Red Bull sürücüsü Həmiltonu qabaqlayıb və Fettel yarışa başçılıq edib, Massa Rikkardonu, Peres isə Battonu keçiblər. 2-ci dövrənin sonunda ilk onluq: Fettel – Uebber – Həmilton – Rəykkönen – Qrojan – Massa – Rikkardo – Alonso – Peres – Batton.

4-cü dövrənin əvvəlində Massa birinci dövrədə trasdan çıxaraq mübarizədən kənar qalıb. 4-cü dövrənin sonunda Pol di Resta birinci pit-stoplar dalğasına start verib – şotlandiyalı sürücü pit-leyndə Vernlə toqquşmadan son anda qurtula bilib. 5-ci dövrədə Force İndia və Toro Rosso digər sürücülərini də yeni təkərlərə keçirib. 6-cı dövrədə Həmilton, 7-ci dövrədə Fettel və Peres, 8-ci dövrədə Rəykkönen və Uebber təkərlərini dəyişiblər.

Markın pit-stopu zamanı problem yaranıb – mexaniklər arxa sağ təkəri uzun müddət bağlaya bilməyiblər, sonra Uebber yerindən tərpəndikdə təkər maşından ayrılıb və teleoperatora dəyib: onu təcili tibb mərkəzinə aparıblar. Mark trasa ən sonuncu və bir dövrə geriqalma ilə qayıdıb.

Fettel pit-stopundan sonra trafikə düşüb, amma Hülkenberq və Battonu keçdikdən sonra yaxşı temp tutaraq yoluna davam edib. Həmilton isə pit-stopundan sonra komanda yoldaşının arxasında ilişib – komanda Rosberqə Lyuisin fərqli strategiyada olduğunu bildirdikdən sonra Niko onu buraxıb. 12-ci dövrədə Alonso boksa gəlib, 13-cü dövrədə isə Qrojan Soft təkərlərini Medium-a dəyişib və Fettel liderliyi özünə qaytarıb. 14-cü dövrədə Rəykkönen Rosberqi qabaqlayıb.

16-cı dövrədə Rosberq boksa yollanıb, 17-ci dövrədə Hülkenberq də ilk pit-stopunu gerçəkləşdirib, 18-ci dövrədə isə Rikkardo ikinci dəfə boksa yollanıb. Bu zaman Rəykkönen Həmiltonu da arxada qoyub. 21-ci dövrədə Batton və Maldonado ilk dəfə mexaniklərinə qonaq olublar, 22-ci dövrədə Həmilton ikinci dəfə boksa yollanıb.

Bu zaman trasda Byankinin maşınında motor alovlanıb – Jül maşını saxlayıb və kokpiti tərk edib, amma maşın təpədə dayandığı üçün araxaya hərəkət etməyə başlayıb və trasa çıxıb. Yarışın direktoru Çarli Uaytinq Təhlükəsizlik Maşınını (TM) trasa buraxmalı olub. İlk dördlük fürsətdən istifadə edərək yeni təkərlərə keçib, 24-cü dövrənin sonunda TM-in araxsında ilk onluq: Fettel – Qrojan – Rəykkönen – Alonso – Batton – Hülkenberq – Həmilton – Peres – Sutil – di Resta.

Vernin maşınında hidravlik problem üzə çıxıb və fransalı sürücü boksda mübarizəni dayandırıb.

29-cu dövrədə restart elan olunub. Fettel liderliyini qoruyub saxlayıb, ilk onluqda dəyişiklik olmayıb. TM-in arxasında liderlə bir dövrəyə qayıtmış Uebber peletonun quyruğunda bir neçə mövqe qazanıb. Peres Maldonadonu keçərək 8-ci yerə yüksəlib, 37-ci dövrədə Hülkenberq, 38-ci dövrədə Uebber yeni təkər dəstinə keçiblər.

Fettel arxasındakı sürücülərdən uzaqlaşa bilməyib, amma sürət fərqi kifayət qədər olmadığı üçün Qrojan və Rəykkönen real ötmələrdən uzaq olublar. 39-cu dövrədə Qrojan, 41-ci dövrədə Fettel sonuncu dəfə boksa yollanıblar – Fettel trasa öndə qayıdıb, amma yarışa Rəykkönen başçılıq edib. 45-ci dövrədə Fettel və Qrojan Həmiltonu keçiblər və Lyuis bu cütlüyü bir az ləngitdikdən sonra boksa yollanıb.

47-ci dövrədə Batton, 48-ci dövrədə Rosberq pit-stop ediblər. 49-cu dövrədə Rəykkönen və Alonso sonuncu dəfə boksa yollanıblar və trasa Fettel-Qrojan cütlüyünün arxasında qayıdıblar. Batton komanda yoldaşı Peres üstələyərək 5-ci yerə yüksəlib. 50-ci dövrədə, finişə 10 dövrə qalmış ilk onluq: Fettel – Qrojan – Rəykkönen – Alonso – Batton – Peres – Həmilton – di Resta – Uebber – Bottas.

Komanda iki dəfə Qrojana xəbər verib ki, Rəykkönen Soft təkərlərlə daha sürətlidir və 54-cü dövrədə Roman Kimini irəli buraxıb. Kimi Fettellə fərqi minimuma endirsə də, real ötmə imkanı olmayıb. Sonuncu dövrədə Həmilton Battonu 5-ci yer uğrunda mübarizədə üstələyib. Finiş xəttini keçdikdən sonra Alonso birinci döngədə maşınını saxlayıb.

Sebastyan Fettel ev trasında ilk qələbəsini qazanıb. Mövsümdə 4-cü, karyerasında 30-cu qələbə almaniyalı sürücünün çempionatdakı liderliyini daha da möhkəmlədib. Rəykkönen və Qrojan podiumu tamamlayıblar – Bəhreyn podimunun daha bir təkrarı.

Üç həftədən sonra Hunqarorinqdə mövsümün birinci yarısı başa çatacaq, komandalara tam yeni təkərlər veriləcək, amma əvvəlcə Silverstounda gənc sürücülərin testləri olacaq. Darıxmayacayıq!

Yer Pilot Komanda Motor Vaxt
01 S.Fettel Red Bull Renault 1.41:14.711
02 K.Rəykkönen Lotus Renault + 0:01.008
03 R.Qrojan Lotus Renault + 0:05.830
04 F.Alonso Ferrari Ferrari + 0:07.721
05 L.Həmilton Mercedes AMG Mercedes + 0:26.927
06 C.Batton McLaren Mercedes + 0:27.996
07 M.Uebber Red Bull Renault + 0:37.562
08 S.Peres McLaren Mercedes + 0:38.306
09 N.Rosberq Mercedes AMG Mercedes + 0:46.821
10 N.Hülkenberq Sauber Ferrari + 0:49.892
11 P.di Resta Force İndia Mercedes + 0:53.771
12 D.Rikkardo Toro Rosso Ferrari + 0:56.975
13 A.Sutil Force İndia Mercedes + 0:57.738
14 E.Qutyerres Sauber Ferrari + 1:00.160
15 P.Maldonado Williams Renault + 1:01.929
16 V.Bottas Williams Renault + 1 dövrə
17 Ş.Pik Caterham Renault + 1 dövrə
18 Q.van der Qarde Caterham Renault + 1 dövrə
19 M.Çilton Marussia Cosworth + 1 dövrə
J.E.Vern Toro Rosso Ferrari
J.Byanki Marussia Cosworth
F.Massa Ferrari Ferrari

Sürətli dövrə: Fernando Alonso (Ferrari) – 1:33.468 (51-ci dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 157
02 F.Alonso Ferrari Ferrari 123
03 K.Rəykkönen Lotus Renault 116
04 L.Həmilton Mercedes AMG Mercedes 99
05 M.Uebber Red Bull Renault 93
06 N.Rosberq Mercedes AMG Mercedes 84
07 F.Massa Ferrari Ferrari 57
08 R.Qrojan Lotus Renault 41
09 P.di Resta Force İndia Mercedes 36
10 C.Batton McLaren Mercedes 33
11 A.Sutil Force İndia Mercedes 23
12 S.Peres McLaren Mercedes 16
13 J.E.Vern Toro Rosso Ferrari 13
14 D.Rikkardo Toro Rosso Ferrari 11
15 N.Hülkenberq Sauber Ferrari 7
16 P.Maldonado Williams Renault 0
17 V.Bottas Williams Renault 0
18 E.Qutyerres Sauber Ferrari 0
19 J.Byanki Marussia Cosworth 0
20 Ş.Pik Caterham Renault 0
21 M.Çilton Marussia Cosworth 0
22 Q.van der Qarde Caterham Renault 0

Mühəndislər Kuboku:

Yer Komanda Motor Xal
01 Red Bull Renault 250
02 Mercedes AMG Mercedes 183
03 Ferrari Ferrari 180
04 Lotus Renault 157
05 Force İndia Mercedes 59
06 McLaren Mercedes 49
07 Toro Rosso Ferrari 24
08 Sauber Ferrari 7
09 Williams Renault 0
10 Marussia Cosworth 0
11 Caterham Renault 0
, , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Almaniya Qran Prisi: Yarış

Quru. Günəşli. Havanın temperaturu +22° C, trasın temperaturu +37° C Hokkenhaymrinqdə uik-endin senarisi iki həftə əvvəl Silverstounda baş verənləri təkrarlayıb […]

Quru. Günəşli. Havanın temperaturu +22° C, trasın temperaturu +37° C

Hokkenhaymrinqdə uik-endin senarisi iki həftə əvvəl Silverstounda baş verənləri təkrarlayıb – cümə sərbəst yürüşlərində yağış, şənbə sərbəst yürüşləri quru, sıralanma turu yağış və yarış da quru asfaltda. Komandalar yenə də hazırladıqları yeniliklərin effektliyini və uzun məsafədə təkərlərin yeyilməsini qiymətləndirə bilməyiblər.

İki həftə əvvəl olduğu kimi yağışlı sıralanma turunda poulu Fernando Alonso qazanıb. Üç sürücü – Qrojan, Rosberq və Uebber maşınlarında ötürmələr qutusunu vaxtından əvvəl dəyişdikləri üçün startda beş itiriblər, Peres isə eyni cəzanı sıralanma turunda Alonso və Rəykköneni bloka saldığı üçün alıb.

Red Bull komandasının nümayəndələri bazar günü səhər tezdən stüardların ofisinə çağırılıblar – FİA-nın texniki nümayəndəsi Co Bauerin imzaladığı məktubda komanda texniki reqlamenti pozmaqda şübhəli bilinib. Stüardlar bir neçə saat mübahisəli vəziyyəti müzakirə ediblər, amma sonda sanksiyalardan vaz keçiblər – onlar Red Bull-un izahatlarını tam qəbul etməsələr də reqlamentin pozulması sübut olunmayıb.

Startdan əvvəl asfaltın temperaturu +30 dərəcəni keçib, ona görə də hər şey startda təkər seçimindən asılı olub – sürücülərin çoxu Soft tərkibini seçib, yalnız Kobayaşi, Vern, Pik, Rosberq və Qlokdan başqa.

Startda Alonso poulun üstünlüyünü saxlayıb, Batton Maldonadonu qabaqlayıb, Həmilton iki mövqe itirib, Rəykkönen iki mövqe qazanıb. Massa, Senna və Qrojan start insidentindən sonra boksa təmirə yollanıblar. 2-ci dövrədə Həmilton qırıntılar üzərindən keçərkən arxa sol təkəri deşilib və təkərini dəyişdikdən sonra peletonun sonuna düşüb, Lyuisin yavaşlaması zamanı fürsətdən istifadə edən di Resta Rəykköneni keçib. 3-cü döngədə ilk onluq: Alonso – Fettel – Şumaher – Hülkenberq – Batton – Maldonado – Uebber – di Resta – Rəykkönen – Rikkardo.

Rəykkönen di Restanı keçərək mövqeyini geri qaytarıb, Batton Hülkenberqi qabaqlayıb. 17-ci yerdən start almış Peres 9-cu yerə yüksəlib. Peleton uzanıb, Alonso hər dövrə Fettel üzərində üstünlüyünü 0.1 saniyə artırıb.

10-cu dövrədə di Resta ilk pit-stopunu keçirib, 11-ci dövrədə Batton Şumaheri keçərək üçüncülüyə yüksəlib. 12-ci dövrədə Rəykkönen yenidən Soft təkərlərə keçib, 13-cü dövrədə Hülkenberq, Uebber və Rosberq, 14-cü dövrədə Şumaher və Petrov, 17-ci dövrədə Peres, 18-ci dövrədə Alonso, 19-cu dövrədə Batton və Rikkardo, 20-ci dövrədə Fettel ilk pit-stoplarını reallaşdırıblar. İlk üçlükdə vəziyyət dəyişməyib. Arxada isə Hülkenberq, Şumaher və Rəykkönen arasında gərgin mübarizə gedib. Mixael həmyerlisini keçərkən Kimi bundan istifadə edib və növbəti dövrədə yeddiqat dünya çempionunu da keçib. 23-cü dövrədə ilk onluq: Alonso – Fettel – Batton – Rəykkönen – Şumaher – Hülkenberq – Peres – Uebber – di Resta – Kobayaşi.

Fettel Alonsoya hücum məsafəsinə yaxınlaşıb, bir neçə dövrə DRS-dən istifadə edib, amma liderlərin mübarizəsinə bir dövrə geri qalan Həmilton qarışıb – britaniyalı sürücü Fetteli keçib və Alonso ilə mübarizəyə girişib.

31-ci dövrədə Hülkenberq və Həmilton, 36-cı dövrədə Şumaher, 38-ci dövrədə Rəykkönen, Maldonado və Rikkardo, 39-cu dövrədə di Resta, 40-cı dövrədə Batton, Peres və Uebber pit-stopa baş çəkiblər. 41-ci dövrədə iki lider – Alonso və Fettel boksa yollanıblar, trasa qayıdarkən Batton onların arasına düşüb. Sebastyan bir neçə həmlə etsə də, Censon müdafiə oluna bilib. 44-cü dövrədə ilk onluq: Alonso – Batton – Fettel – Rəykkönen – Şumaher – Hülkenberq – Kobayaşi – Peres – Rosberq – Uebber.

Asfaltın temperaturu +37 dərəcəyə çatıb, təkərin yeyilməsi də sürətlənib. Batton Alonsoya yaxınlaşıb və DRS-dən istifadə etməyə başlayıb. 50-ci dövrədə Rosberq, 52-ci dövrədə Şumaher 3-cü pit-stoplarını keçiriblər. 56-cı dövrədə Həmilton boksda maşınını saxlayıb – yarışı dayandıran yeganə sürücü bu gün Lyuis olub.

Finişə 5 dövrə qalmış ilk üçlük 2.6 saniyə intervalında olub. Sondan əvvəlki dövrədə təkərləri tam yeyilmiş Battona sancaq döngəsində Fettel hücum edib və almaniyalı sürücü trasdan kənara çıxmaqla rəqibini qabaqlayıb. Finişdən sonra stüardlar bu insidentə görə Fettelin yekun nəticəsinə 20 saniyə əlavə ediblər.

Fernando Alonso isə bu gün mövsümdə 3-cü, karyerasında 30-cu qələbəsini qazanmaqla çempionatda liderliyini möhkəmlədib.

Yer Pilot Komanda Motor Vaxt
01 F.Alonso Ferrari Ferrari 1.31:05.862
02 C.Batton McLaren Mercedes + 0:06.949
03 K.Rəykkönen Lotus Renault + 0:16.409
04 K.Kobayaşi Sauber Ferrari + 0:21.925
05 S.Fettel(*) Red Bull Renault + 0:23.732
06 S.Peres Sauber Ferrari + 0:27.896
07 M.Şumaher Mercedes AMG Mercedes + 0:28.970
08 M.Uebber Red Bull Renault + 0:46.941
09 N.Hülkenberq Force İndia Mercedes + 0:48.162
10 N.Rosberq Mercedes AMG Mercedes + 0:48.889
11 P.di Resta Force İndia Mercedes + 0:59.227
12 F.Massa Ferrari Ferrari + 1:11.428
13 D.Rikkardo Toro Rosso Ferrari + 1:16.829
14 J.E.Vern Toro Rosso Ferrari + 1:16.965
15 P.Maldonado Williams Renault + 1 dövrə
16 V.Petrov Caterham Renault + 1 dövrə
17 B.Senna Williams Renault + 1 dövrə
18 R.Qrojan Lotus Renault + 1 dövrə
19 H.Kovalaynen Caterham Renault + 2 dövrə
20 Ş.Pik Marussia Cosworth + 2 dövrə
21 P.de la Rosa HRT Cosworth + 3 dövrə
22 T.Qlok Marussia Cosworth + 3 dövrə
23 N.Kartikeyan HRT Cosworth + 3 dövrə
L.Həmilton McLaren Mercedes

Sürətli dövrə: Mixael Şumaher (Mercedes AMG) – 1:18.725 (57-ci dövrə).

Qeyd: (*) – Censon Battonu ötərkən ötmə qaydalarını pozduğuna görə, Sebastyan Fettelin yekun nəticəsinin üzərinə 20 saniyə əlavə olunub.

Turnir cədvəli:

Yer Pilot Komanda Motor Xal
01 F.Alonso Ferrari Ferrari 154
02 M.Uebber Red Bull Renault 120
03 S.Fettel Red Bull Renault 110
04 K.Rəykkönen Lotus Renault 98
05 L.Həmilton McLaren Mercedes 92
06 N.Rosberq Mercedes AMG Mercedes 76
07 C.Batton McLaren Mercedes 68
08 R.Qrojan Lotus Renault 61
09 S.Peres Sauber Ferrari 47
10 K.Kobayaşi Sauber Ferrari 33
11 P.Maldonado Williams Renault 29
12 M.Şumaher Mercedes AMG Mercedes 29
13 P.di Resta Force İndia Mercedes 27
14 F.Massa Ferrari Ferrari 23
15 N.Hülkenberq Force İndia Mercedes 19
16 B.Senna Williams Renault 18
17 J.E.Vern Toro Rosso Ferrari 4
18 D.Rikkardo Toro Rosso Ferrari 2
19 H.Kovalaynen Caterham Renault 0
20 V.Petrov Caterham Renault 0
21 T.Qlok Marussia Cosworth 0
22 Ş.Pik Marussia Cosworth 0
23 N.Kartikeyan HRT Cosworth 0
24 P.de la Rosa HRT Cosworth 0

Mühəndislər Kuboku:

Yer Komanda Motor Xal
01 Red Bull Renault 230
02 Ferrari Ferrari 177
03 McLaren Mercedes 160
04 Lotus Renault 159
05 Mercedes AMG Mercedes 105
06 Sauber Ferrari 80
07 Williams Renault 47
08 Force İndia Mercedes 46
09 Toro Rosso Ferrari 6
10 Caterham Renault 0
11 Marussia Cosworth 0
12 HRT Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Almaniya Qran Prisi: Yarış

Quru. Buludlu. Havanın temperaturu +14° C, trasın temperaturu +19° C Cümə və şənbə günləri sürücülər quru asfaltda işləmişdilər, amma dünən […]

Quru. Buludlu. Havanın temperaturu +14° C, trasın temperaturu +19° C

Cümə və şənbə günləri sürücülər quru asfaltda işləmişdilər, amma dünən sıralanma turundan sonra Nürburqrinqə yağış yağıb – yağış kiçik fasilələrə qədər bu gün səhərə qədər davam edib. Yarışa qədər asfalt tədricən quruyub, amma starta yarım saat qalmış FİA sazlanmalara düzəlişlər etməyə icazə verib.

Vitantonio Liutsinin maşınında ötürmələr qutusu dəyişdirildiyi üçün sürücü startda beş yer itirib, Sebastyen Buemi isə sıralanma turunun protokollarından xaric edilib – onun maşınından götürülmüş yanacağın analizi zamanı məlum olub ki, tərkibində reqlamentə uyğun olmayan əlavələr var. Nəticədə sürücü yarışa sonuncu yerdən başlamalı olub.

Sürücülər sliklərlə start alıblar. Həmilton Uebberi elə startda qabaqlayıb, Alonso isə Fetteldən üstün olub, amma səhvi üzündən almaniyalı sürücünü irəli buraxıb. İlk dördlük – Həmilton, Uebber, Fettel və Alonso eyni templə Rosberqdən uzaqlaşmağa başlayıb.

8-ci dövrədə Alonso Fetteli keçərək üçüncülüyə yüksəlib, 10-cu dövrədə Sebastyan nəm porebrikin üzərində fırlanıb və yeddi saniyə vaxt itirib.

11-ci dövrədə Haydfeld qəzaya uğrayıb – Buemi ilə mübarizədə almaniyalı sürücü səhvə yol verib, Nik mübarizəni dayandırıb, Sebastyen isə boksa tələsib. 12-ci dövrədə Massa Rosberqi keçərək ilk dördlüyün ardınca yollanıb.

13-cü dövrədə Uebber və Həmilton iki dəfə mövqelərini dəyişiblər, liderlərin dueli sayəsində Alonso hücum məsafəsinə yaxınlaşıb, elə bu zaman Mark pit-stopa yönəlib. Növbəti dövrədə Həmilton, Alonso və Fettelin pitindən sonra Mark yarışa başçılıq edib. Amma ilk üçlük sıx vaxt intervalında hərəkət edib.

31-ci dövrədə Uebber, 32-ci dövrədə isə Həmilton ikinci dəfə pit-stopa baş çəkiblər. Lyuis Markn önündə trasa qayıdıb – avstraliyalı sürücünün cəhdlərinə baxmayaraq, britaniyalı sürücü öndə qalıb. 33-cü dövrədə isə Alonso pit-leyndən trasa lider kimi qayıdıb, amma britaniyalı sürücü sərt manevrlə liderliyini geri qaytarıb. Nəticədə pit-stopda Uebber iki mövqe itirib. İlk üçlük təkərlərini dəyişsə də, qalan sürücülər pitə tələsməyiblər.

36-cı dövrədə Battonun maşınında hidravlik sistemin təzyiqi aşağı düşdüyü üçün britaniyalı sürücü mübarizəni dayandırmalı olub.

37-ci dövrədə Rosberq, 38-ci dövrədə Şumaher, 41-cidə Fettel və 42-cidə Massa ikinci pit-stoplarını reallaşdırıblar.

İlk üçük isə mübarizəni sonuncu pit-stopa saxlayıb. 52-ci dövrədə Lyuis, növbəti dövrədə isə Fernando bərk təkərlərə keçiblər, britaniyalı sürücü öndə qalıb. Mark yumşaq təkərlərlə trasda 3 dövrə çox qalsa da, trasa üçüncü yerdə qayıdıb.

Massa və Fettel isə pit-stoplarını sonuncu dövrədə reallaşdırıblar və Red Bull mexanikləri daha cəld tərpəniblər – Sebastyan braziliyalı sürücünü çətinliklə üstələyib.

Lyuis Həmilton isə mövsümdə 2-ci, karyerasında 16-cı qələbəsini qazanıb. Fernando Alonso ikinci, Mark Uebber üçüncü olub. Mövsümün lideri Sebastyan Fettel bu il ilk dəfə podiuma qalxmayıb, amma çempionatda yerini daha da möhkəmlədib…

Yer Pilot Komanda Motor Vaxt
01 L.Həmilton McLaren Mercedes 1.37:30.334
02 F.Alonso Ferrari Ferrari + 0:03.980
03 M.Uebber Red Bull Renault + 0:09.788
04 S.Fettel Red Bull Renault + 0:47.921
05 F.Massa Ferrari Ferrari + 0:52.252
06 A.Sutil Force İndia Mercedes + 1:26.208
07 N.Rosberq Mercedes GP Mercedes + 1 dövrə
08 M.Şumaher Mercedes GP Mercedes + 1 dövrə
09 K.Kobayaşi Sauber Ferrari + 1 dövrə
10 V.Petrov Lotus Renault GP Renault + 1 dövrə
11 S.Peres Sauber Ferrari + 1 dövrə
12 X.Algersuari Toro Rosso Ferrari + 1 dövrə
13 P.di Resta Force İndia Mercedes + 1 dövrə
14 P.Maldonado Williams Coswort + 1 dövrə
15 S.Buemi Toro Rosso Ferrari + 1 dövrə
16 H.Kovalaynen Team Lotus Renault + 2 dövrə
17 T.Qlok Marussia Virgin Cosworth + 3 dövrə
18 J.D’Ambrozio Marussia Virgin Cosworth + 3 dövrə
19 D.Rikkardo Hispania Cosworth + 3 dövrə
20 K.Çandhok Team Lotus Renault + 4 dövrə
V.Liutsi Hispania Cosworth
C.Batton McLaren Mercedes
R.Barrikello Williams Cosworth
N.Haydfeld Lotus Renault GP Renault

Sürətli dövrə: Lyuis Həmilton (McLaren) – 1:34.302 (59-cu dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 216
02 M.Uebber Red Bull Renault 139
03 L.Həmilton McLaren Mercede 134
04 F.Alonso Ferrari Ferrari 130
05 C.Batton McLaren Mercedes 109
06 F.Massa Ferrari Ferrari 62
07 N.Rosberq Mercedes GP Mercedes 46
08 N.Haydfeld Lotus Renault GP Renault 34
09 V.Petrov Lotus Renault GP Renault 32
10 M.Şumaher Mercedes GP Mercedes 32
11 K.Kobayaşi Sauber Ferrari 27
12 A.Sutil Force İndia Mercedes 18
13 X.Algersuari Toro Rosso Ferrari 9
14 S.Peres Sauber Ferrari 8
15 S.Buemi Toro Rosso Ferrari 8
16 R.Barrikello Williams Cosworth 4
17 P.di Resta Force İndia Mercedes 2
18 P.de la Rosa Sauber Ferrari 0
19 Y.Trulli Team Lotus Renault 0
20 V.Liutsi Hispania Cosworth 0
21 J.D’Ambrozio Marussia Virgin Cosworth 0
22 H.Kovalaynen Team Lotus Renault 0
23 P.Maldonado Williams Coswort 0
24 T.Qlok Marussia Virgin Cosworth 0
25 N.Kartikeyan Hispania Cosworth 0
26 D.Rikkardo Hispania Cosworth 0

Mühəndislər Kuboku:

Yer Komanda Motor Xal
01 Red Bull Renault 355
02 McLaren Mercedes 243
03 Ferrari Ferrari 192
04 Mercedes GP Mercedes 78
05 Lotus Renault GP Renault 66
06 Sauber Ferrari 35
07 Force İndia Mercedes 20
08 Toro Rosso Ferrari 17
09 Williams Cosworth 4
10 Team Lotus Renault 0
11 Hispania Cosworth 0
12 Marussia Virgin Renault 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*