14 Dekabr 2019, Şənbə - 22:20

Bəhreyn Qran Prisi: Yarış

Bəhreyn Qran Prisi: Yarış

Müəllif: Rəhim N.Əliyev, baş redaktor

17:05 - 23 Aprel, 2013

Quru. Günəşli. Havanın temperaturu +29° C, trasın temperaturu +41° C Yarış günü Bəhreyndə hava çox isti olub. Pirelli əvvəldən elan […]

Quru. Günəşli. Havanın temperaturu +29° C, trasın temperaturu +41° C

Yarış günü Bəhreyndə hava çox isti olub. Pirelli əvvəldən elan etdiyi proqramı dəyişdirərək Saxirə ən bərk təkər cütlüyünü gətirib – Hard və Medium, amma bu tərkiblər də cod asfaltda tez yeyiliblər. Bir həftə əvvəl Çində olduğu kimi, yarışın həlledici faktorları strategiya və uzun məsafədə təkərləin vəziyyətinə nəzarət olub.

Dünən poulu Niko Rosberq qazanmışdı – almaniyalı sürücünün karyerasında ikinci poulu Mercedes AMG komandası üçün Şanxayda Həmiltonun poulundan sonra ardıcıl ikinci poul olub. Üç sürücü startda yer itirmək cəzası alıb: hələ Çində Sutil və Vernlə toqquşmalara görə Qetyerres və Uebber müvafiq olaraq beş və üç yer itirməli olublar, dünən səhər maşınında təkərin partlaması ilə yaranan problemlər üzündən ötürmələr qutusu dəyişdirilən Həmilton da beş yer itirməli olub.

İlk cərgədə Rosberq və Fettel, ikinci cərgədə Alonso və Massa yer alıblar – braziliyalı sürücü əsas rəqiblərindən fərqli olaraq Hard tərkibini seçib. Onunla yanaşı eyni təkərləri Qrojan, Hülkenberq Bottas,Vern və Qutyerres seçiblər, digər sürücülər isə Medium təkərlərlə start alıblar.

Startda Rosberq liderliyini saxlayıb, Alonso isə Fetteli birinci döngədə qabaqlaya bilib, amma bir neçə döngədən sonra Sebastyan mövqeyini geri qaytarıb. Sutil Massa ilə, Qutyerres isə van der Qarde ilə təmas yaşayıblar, Massadan başqa digər sürücülər boksa yollanıblar. Vernin maşınında təkər deşildiyi üçün fransalı sürücü də növbəti dövrədə boksa baş vurub. Üçüncü dövrənin əvvəlində Fettel Rosberqi keçərək yarışa başçılıq edib. Sebastyan Nikodan uzaqlaşmağa başlayıb, Alonso isə Rosberqə hücumlara başlayıb – sürüclər bir neçə dəfə yerlərini dəyişsələr də, sonda ispaniyalı sürücü öndə qalıb. Beşinci dövrənin sonunda ilk onluq: Fettel – Alonso – Rosberq – di Resta – Massa – Uebber – Batton – Peres – Rəykkönen – Qrojan.

6-cı dövrədə di Resta da poulun sahibini keçərək üçüncülüyə yüksəlib. Alonsonun maşınında DRS-in hərəkətli elementi açıq vəziyyətdə ilişib qaldığı üçün komanda sürücüsünü vaxtından əvvəl pitə çağırıb. Yeni Hard təkər dəsti alan sürücü trasa qayıtdıqdan sonra DRS problemi təkrar olunub və yenidən boksa qayıtmalı olub. Mexaniklər yuxarı qalxmış lövhəni əllə endiriblər və sürücü yarışın sonuna qədər Bəhreyndə ötmək üçün vacib olan bir elementdən mərhum olub.

9-cu dövrədə Uebber və Qrojan yeni təkər dəsti alıblar, Massa isə Rosberqi üstələyib. 10-cu dövrədə Rosberq və Batton, 11-ci dövrədə Fettel, Massa, Peres və Həmilton ilk pit-stoplarını gerçəkləşdiriblər. Yarışa isə təkərlərə qənaət edən di Resta və Rəykkönen başçılıq ediblər.

14-cü dövrədə Force İndia sürücüsü boksa yönəlib, Rəykkönen liderliyi ələ alsa da, elə birinci döngədə Fettel onu keçib. 17-ci dövrədə isə Lotus sürücüsü ilk pit-stopunu keçirib – öndə dayanan mexanik qaldırıcını vaxtında yığışdıra bilmədiyi üçün Kimi bir qədər ləngiməli olub.

18-ci dövrədə Qrojan və Peres Massanı qabaqlayıblar – braziliyalı sürücünün maşınında sağ arxa təkər deşilib və Ferrari sürücüsü boksa dönməli olub. 18-ci dövrənin sonunda ilk onluq: Fettel – Uebber – Rosberq – Batton – Qrojan – Peres – di Resta – Həmilton – Hülkenberq – Rəykkönen.

Vern maşınını boksda dayandırıb. Fettel komanda yoldaşı üzərində üstünlüyünü 10 saniyəyə çatdırıb. Rosberqin sürəti aşağı düşdüyü üçün arxasında qatar əmələ gəlib – 20-ci dövrədə Batton və Qrojan, 21-ci dövrədə isə Peres də almaniyalı sürücünü keçiblər.

22-ci dövrədə Uebber və Batton mexaniklərinə qonaq olublar. Mark trasa Alonsonun arxasında qayıdıb və hücum edərək onu keçib. 23-cü dövrədə Həmilton, 25-ci dövrədə Alonso, 26-cı dövrədə Fettel boksa yönəliblər – almaniyalı sürücü liderliyini əldən verməyib. 26-cı dövrədə Peres və Batton, 27-ci dövrədə isə Rosberq Hülkenberqi qabaqlayıblar, bundan sonra Sauber sürücüsü boksa tələsib. Di Resta Qrojanı üstələyərək ikinci yerə yüksəlib. Batton komanda yoldaşını ötərək altıncı yerə qalxıb.

28-ci dövrədə Qrojan, 29-cu dövrədə Massa yeni təkər dəsti alıblar. 30-cu dövrədə Peres komanda yoldaşına hücum edib – McLaren sürücüləri bir neçə dəfə mövqelərini dəyişiblər, Serxio arxadan Censonun maşınına toxunub, britaniyalı sürücü komandadan meksikalı sürücünü sakitləşdirməyi xahiş edib.

Fettel yenə də rəqiblərindən rahat uzaqlaşıb. 33-cü dövrədə Qrojan Peres və Battonu keçib, 34-cü dövrədə onun komanda yoldaşı Rəykkönen isə di Restanı üstələyərək ikinciliyə yüksəlib: bu zaman Fettel 18 saniyə öndə olub.

34-cü dövrədə Rosberq, 35-ci dövrədə Rəykkönen və Batton, 37-ci dövrədə di Resta və Massa təkərlərini dəyişiblər – braziliyalı sürücünün maşınında yenə də sağ arxa təkər deşilib. 38-ci dövrədə Uebber yeni təkər dəsti alaraq trasa Rosberqin yanında qayıdıb və sürücülər arasında təmas baş verib: bu insidenti stüardlar yarışdan sonra araşdıracaqlar. 39-cu dövrədə Həmilton, 40-cı dövrədə Alonso və Maldonado yeni təkər dəsti alıblar. 41-ci dövrənin sonunda ilk onluq (pit-stopların sayı): Fettel (2) – Qrojan (2) – Rəykkönen (2) – di Resta (2) – Uebber (3) – Batton (3) – Rosberq (3) – Həmilton (3) – Peres (3) – Alonso (4).

43-cü dövrədə Fettel liderliyini əldən verməyərək sonuncu pit-stopunu keçirib. 44-cü dövrədə Qrojan yeni Medium tərkibini alıb və ardıcıl olaraq Rosberq və Uebberi qabaqlayaraq dördüncülüyə yüksəlib. 45-ci dövrədə Rosberq sonuncu pit-stopunu gerçəkləşdirib, Həmilton isə Battonu keçərək 6-cı yerə qalxıb. 46-cı dövrədə Battonu Peres və Alonso keçiblər, növbəti dövrədə Censon yeni təkər dəsti dalınca yollanıb.

52-ci dövrədə Qrojan di Restanı keçərək şotlandiyalı sürücünü karyerasının ilk podiumundan mərhum edib. Son dövrədə uzun sürən həmlələrdən sonra Həmilton Uebberi üstələyib, son döngələrdə isə avstraliyalı sürücünü Peres də keçib.

Sebastyan Fettel karyerasında 28-ci, mövsümdə isə 2-ci qələbəsinə sevinib. Rəykkönen və Qrojan podium qazanmaqla keçənilki podiumu tam təkrar ediblər. Çempionatı isə səfər yarışlarından sonra üçhəftəlik fasilə gözləyir – Avropa mərhələsi İspaniyadan başlayacaq!

YerPilotKomandaMotorVaxt
01S.FettelRed BullRenault1.36:00.498
02K.RəykkönenLotusRenault+ 0:09.111
03R.QrojanLotusRenault+ 0:19.507
04P.di RestaForce İndiaMercedes+ 0:21.727
05L.HəmiltonMercedes AMGMercedes+ 0:35.230
06S.PeresMcLarenMercedes+ 0:35.998
07M.UebberRed BullRenault+ 0:37.244
08F.AlonsoFerrariFerrari+ 0:37.574
09N.RosberqMercedes AMGMercedes+ 0:41.126
10C.BattonMcLarenMercedes+ 0:46.631
11P.MaldonadoWilliamsRenault+ 1:06.450
12N.HülkenberqSauberFerrari+ 1:12.933
13A.SutilForce İndiaMercedes+ 1:16.719
14V.BottasWilliamsRenault+ 1:21.511
15F.MassaFerrariFerrari+ 1:26.364
16D.RikkardoToro RossoFerrari+ 1 dövrə
17Ş.PikCaterhamRenault+ 1 dövrə
18E.QutyerresSauberFerrari+ 1 dövrə
19J.ByankiMarussiaCosworth+ 1 dövrə
20M.ÇiltonMarussiaCosworth+ 1 dövrə
21Q.van der QardeCaterhamRenault+ 2 dövrə
J.E.VernToro RossoFerrari

Sürətli dövrə: Sebastyan Fettel (Red Bull) – 1:36.961 (55-ci dövrə).

Turnir cədvəli:

YerPilotKomandaMotorXal
01S.FettelRed BullRenault77
02K.RəykkönenLotusRenault67
03L.HəmiltonMercedes AMGMercedes50
04F.AlonsoFerrariFerrari47
05M.UebberRed BullRenault32
06F.MassaFerrariFerrari30
07R.QrojanLotusRenault26
08P.di RestaForce İndiaMercedes20
09N.RosberqMercedes AMGMercedes14
10C.BattonMcLarenMercedes13
11S.PeresMcLarenMercedes10
12D.RikkardoToro RossoFerrari6
13A.SutilForce İndiaMercedes6
14N.HülkenberqSauberFerrari5
15J.E.VernToro RossoFerrari1
16V.BottasWilliamsRenault0
17P.MaldonadoWilliamsRenault0
18E.QutyerresSauberFerrari0
19J.ByankiMarussiaCosworth0
20Ş.PikCaterhamRenault0
21Q.van der QardeCaterhamRenault0
22M.ÇiltonMarussiaCosworth0

Mühəndislər Kuboku:

YerKomandaMotorXal
01Red BullRenault109
02LotusRenault93
03FerrariFerrari77
04Mercedes AMGMercedes64
05Force İndiaMercedes26
06McLarenMercedes23
07Toro RossoFerrari7
08SauberFerrari5
09WilliamsRenault0
10MarussiaCosworth0
11CaterhamRenault0

Bəhreyn Qran Prisi: Yarış

Bəhreyn Qran Prisi: Yarış

Müəllif: Rəhim N.Əliyev, baş redaktor

08:29 - 23 Aprel, 2012

Quru. Buludlu. Havanın temperaturu +27° C, trasın temperaturu +32° C Bəhreyn Qran Prisinin start sahəsində sürücülərin düzümü çox maraqlı idi. […]

Quru. Buludlu. Havanın temperaturu +27° C, trasın temperaturu +32° C

Bəhreyn Qran Prisinin start sahəsində sürücülərin düzümü çox maraqlı idi. Mövsümün startından birinci dəfə poulu hazırkı çempion Sebastyan Fettel qazanmışdı, onunla eyni cərgədən Lyuis Həmilton, arxadan isə Mark Uebber və Censon Batton start almalı idilər. Daniel Rikkardo isə altıncı olmaqla hamıya sürpriz etmişdi.

Hərçənd, dünən sıralanma turunda bəzi sürücülər yaxşı yer qazanmağa deyil, təkərlərə qənaət etməyə də çalışırdılar – təkərlərin yeyilməsi faktoru yarışda həlledici rol oynamalı idi.

Amma yarışın başlanmasına iki saat qalmış yağış yağmağa başlayıb – su dərhal buxarlansa da, havanın və asfaltın temperaturu şənbə günü ilə müqayisədə xeyli aşağı düşüb.

İki sürücü ötürmələr qutusunun dəyişdirilməsi üzündən startda beş itirməklə cərimə olunmuşdu – Pastor Maldonado və Mixael Şumaher arxa cərgələrdən start almalı idilər. Startda Kamui Kobayaşidən başqa hamı Soft təkərləri seçib.

Startda ilk üçlük mövqeyini qoruyub, Batton altıncı, Rikkardo on üçüncü yerə düşüb, Alonso beşinci, Rəykkönen yeddinci, Massa səkkizinci yerə qalxıb. Kovalaynen Rikkardo ilə təmasdan sonra təkərlərini dəyişmək üçün boksa yönəlib. Massa Rəykköneni keçib, amma bir dövrədən sonra finlandiyalı sürücü mövqeyini geri qaytarıb.

3-cü dövrədə Fettel Həmilton üzərində fərqi üç saniyəyə çatdırıb, Qrojan üçüncü yer uğrunda mübarizədə Uebberi qabaqlayıb, di Resta isə Peresi keçərək onluğa daxil olub.

5-ci dövrədə Qrojan Həmiltonu, Rəykkönen isə Batton keçiblər – ilk dövrələrdən Lotus sürücüləri sürətli olublar.

7-ci dövrədə ilk onluq: Fettel – Qrojan – Həmilton – Uebber – Alonso – Rəykkönen – Batton – Massa – Rosberq – di Resta.

8-ci dövrədə pit-stoplar başlayıb – Batton, Massa və Rosberq təkərlərini dəyişiblər, növbəti dövrədə Həmilton, Uebber, Alonso, Peres və Şumaher mexaniklərinə qonaq olublar. Həmiltonun “qonaqlığı” uzun çəkib və britaniyalı sürücü Markla Fernandonun arxasına düşüb. 10-cu dövrədə Qrojan, 11-ci dövrədə Fettel və Rəykkönen ilk pit-stoplarını reallaşdırıblar. Fərqli strategiya seçmiş di Resta və Kobayaşi 15-ci dövrədə boksa gediblər.

Rəykkönen Uebberi keçib, Həmilton isə trasdan kənara çıxaraq Rosberqi və Alonsonu keçib. 15-ci dövrədə ilk onluq: Fettel – Qrojan – Rəykkönen – Uebber – Batton – Həmilton – Alonso – Rosberq – Massa – Peres.

Peleton uzanıb, ilk üçlük hamıdan sürətli olub və tezliklə Uebber üzərində üstünlük 20 saniyəyə çatıb. Peres və Maldonado mübarizə apardıqları zaman hər ikisini di Resta keçib. Rəykkönen tədricən Qrojana yaxınlaşıb və onu keçərək ikinciliyə yükəslib.

22-ci dövrədə Peres ikinci pit-stopunu keçirib, 23-cüdə Batton, Rosberq və Massa, 24-cüdə Uebber, Həmilton, Alonso, Maldonado və Şumaher, 25-cidə Rəykkönen, 26-cıda Fettel və Qrojan yeni təkərlərə keçiblər. Həmilton yenə də boksda ləngiməli olub. Rosberq isə trasda kənara çıxmaqla Alonsonu keçib.

Maldonadonun maşınında sol arxa təkər partlayıb, Williams yerində fırlanıb, amma Pastor maşını boksa çatdıra bilib və maşını tərk edib.

31-ci dövrədə Rosberq Kobayaşini keçərək yeddinci yerə yüksəlib. Növbəti dövrədə yaponiyalı sürücü, iki dövrə sonra isə di Resta ikinci pit-stoplarını reallaşdırıblar.

35-ci dövrədə ilk onluq: Fettel – Rəykkönen – Qrojan – Uebber – Batton – Rosberq – Alonso – Massa – Həmilton – Peres.

37-ci dövrədə Rosberq və Həmilton, 38-cidə Batton, Alonso, Peres və Şumaher, 39-cuda Massa sonuncu dəfə pit-stop keçiriblər. Rəykkönen Fettelə bir neçə uğursuz hücum etdikdən sonra 40-cı dövrədə hər iki sürücü boksa yönəlib və Sebastyan üstünlüyünü saxlayıb, bir dövrə sonra isə Kimidən artıq 3 saniyə uzaqlaşıb.

43-cü dövrədə ilk onluq: Fettel – Rəykkönen – Qrojan – Uebber – di Resta – Rosberq – Batton – Alonso – Həmilton – Massa.

54-cü dövrədə Battonun maşınında təkər deşilib, Censon trasa qayıtsa da, iki dövrədən sonra qazburaxma sistemindəki problemlər üzündən mübarizəni dayandırıb.

Sebastyan Fettel isə yarışda qalib gəlib, mövsümdə 1-ci və karyerasında 22-ci qələbəsini qazanıb. Kimi Rəykkönen çempionata qayıtdıqdan sonra, Roman Qrojan isə karyerasında ilk podiumlarını qazanıblar. Uebber ardıcıl dördüncü yarışını da dördüncü yerdə başa vurub.

Dörd Qran Pri – dörd müxtəlif komandadan dörd qalib. Mövsümün fantastik startı, qarşıda isə Mucello testləri gəlir, üç həftədən sonra komandalar Avropa yarışlarına start verəcəklər…

YerPilotKomandaMotorVaxt
01S.FettelRed BullRenault1.35:10.990
02K.RəykkönenLotusRenault+ 0:03.333
03R.QrojanLotusRenault+ 0:10.194
04M.UebberRed BullRenault+ 0:38.788
05N.RosberqMercedes AMGMercedes+ 0:55.460
06P.di RestaForce İndiaMercedes+ 0:57.543
07F.AlonsoFerrariFerrari+ 0:57.803
08L.HəmiltonMcLarenMercedes+ 0:58.984
09F.MassaFerrariFerrari+ 1:04.999
10M.ŞumaherMercedes AMGMercedes+ 1:11.490
11S.PeresSauberFerrari+ 1:12.702
12N.HülkenberqForce İndiaMercedes+ 1:16.539
13K.KobayaşiSauberFerrari+ 1:30.334
14J.E.VernToro RossoFerrari+ 1:33.723
15D.RikkardoToro RossoFerrari+ 1 dövrə
16V.PetrovCaterhamRenault+ 1 dövrə
17H.KovalaynenCaterhamRenault+ 1 dövrə
18C.BattonMcLarenMercedes+ 1 dövrə
19T.QlokMarussiaCosworth+ 2 dövrə
20P.de la RosaHRTCosworth+ 2 dövrə
21N.KartikeyanHRTCosworth+ 2 dövrə
22B.SennaWilliamsRenault+ 3 dövrə
P.MaldonadoWilliamsRenault
Ş.PikMarussiaCosworth

Sürətli dövrə: Sebastyan Fettel (Red Bull) – 1:36.379 (41-ci dövrə).

Turnir cədvəli:

YerPilotKomandaMotorXal
01S.FettelRed BullRenault53
02L.HəmiltonMcLarenMercedes49
03M.UebberRed BullRenault48
04C.BattonMcLarenMercedes43
05F.AlonsoFerrariFerrari43
06N.RosberqMercedes AMGMercedes35
07K.RəykkönenLotusRenault34
08R.QrojanLotusRenault23
09S.PeresSauberFerrari22
10P.di RestaForce İndiaMercedes15
11B.SennaWilliamsRenault14
12K.KobayaşiSauberFerrari9
13J.E.VernToro RossoFerrari4
14P.MaldonadoWilliamsRenault4
15D.RikkardoToro RossoFerrari2
16N.HülkenberqForce İndiaMercedes2
17F.MassaFerrariFerrari2
18M.ŞumaherMercedes AMGMercedes2
19T.QlokMarussiaCosworth0
20Ş.PikMarussiaCosworth0
21V.PetrovCaterhamRenault0
22H.KovalaynenCaterhamRenault0
23P.de la RosaHRTCosworth0
24N.KartikeyanHRTCosworth0

Mühəndislər Kuboku:

YerKomandaMotorXal
01Red BullRenault101
02McLarenMercedes92
03LotusRenault57
04FerrariFerrari45
05Mercedes AMGMercedes37
06SauberFerrari31
07WilliamsRenault18
08Force İndiaMercedes17
09Toro RossoFerrari6
10MarussiaCosworth0
11CaterhamRenault0
12HRTCosworth0

Son Xəbərlər

İnformasiya

Bölüm Xəbərlər
Mənbə
Baxış Sayı 555
Teqlər , , , ,
Paylaş

logo