Bəhreyn-2017: İkinci sərbəst yürüşlər

İkinci sessiyanın əvvəlində günəş qüruba enib. Asfaltın temperaturu tədricən aşağı düşüb və tras süni işıqlandırılıb. Bəhreyndə ikinci sərbəst yürüşlər sıralanma turu və yarış kimi günəş batdıqdan sonra keçirildiyindən, komandalar məhz bu sessiyaya daha çox əhəmiyyət verirlər. Start verildikdən dərhal sonra sürücülər trasa çıxıblar və həm sazlanmalar üzərində işləyiblər, həm də təkərlərin effektivliyini öyrənməyə çalışıblar.

F-1.az bildirir ki, ilk sessiyada motor problemi yaşayan Stoffel Vandorn bu sessiyaya da gec – startdan 40 dəqiqə sonra qoşula bilib. Lakin davam edən problemlər belçikalıya çox dövrə vurmağa imkan verməyib. Startdan 17 dəqiqə sonra Karlos Sayns tüstülənən maşını saxlamalı olub və Virtual Təhlükəsizlik Maşını rejimi elan edilib.

Valtteri Bottas Çində məşqlərdə yaşadığı problemlə burada da qarşılaşıb – “üzgəc”in başındakı qanad qopduğundan boksa qayıtmalı olub. Lakin sonra məşqlərə davam edə bilib. Onun maşınından qopan hissə Maks Ferstappenin maşınını zədələyib və RB13-ün altlığının dəyişdirilməsi Maks üçün xeyli vaxt itkisinə səbəb olub.

Birinci sessiyadan fərqli olaraq, bu dəfə Medium təkərlərdən istifadə olunmayıb – sürücülər sessiyanın əvvəlində Soft, sonra isə SuperSoft təkərlərlə işləyiblər.

Sebastyan Fettel güc qurğusundakı problemə görə maşını son döngədəki təhlükəsizlik zonasında saxlamalı olub. Marşallar SF70H-ı mexaniklərə çatdırıblar, lakin bir qədər sonra Fettel yenidən boksu tərk edib. Onun SuperSoft-la ilk cəhddə vurduğu dövrə ən sürətli olub – 1:31.310. Sürücülər SuperSoft tərkiblə 20-dən çox dövrə vurublar, bu da yarışda bir pit-stopun olacağından xəbər verir.

Məşqlər sabah davam edəcək…

Yer N Sürücü Komanda Zaman Fərq Dövrə
1 5 Sebastyan Fettel Ferrari 1:31.310 29
2 77 Valtteri Bottas Mercedes AMG 1:31.351 + 0:00.041 35
3 3 Daniel Rikkardo Red Bull 1:31.376 + 0:00.066 28
4 7 Kimi Rəykkönen Ferrari 1:31.478 + 0:00.168 34
5 44 Lyuis Həmilton Mercedes AMG 1:31.594 + 0:00.284 35
6 27 Niko Hülkenberq Renault 1:31.883 + 0:00.573 37
7 19 Felipe Massa Williams 1:32.079 + 0:00.769 37
8 3 Maks Ferstappen Red Bull 1:32.245 + 0:00.935 18
9 8 Roman Qrojan Haas 1:32.505 + 0:01.195 34
10 26 Daniil Kvyat Toro Rosso 1:32.707 + 0:01.397 35
11 20 Kevin Maqnussen Haas 1:32.854 + 0:01.544 33
12 31 Esteban Okon Force İndia 1:32.875 + 0:01.565 38
13 30 Colion Palmer Renault 1:32.876 + 0:01.566 38
14 14 Fernando Alonso McLaren 1:32.897 + 0:01.587 31
15 11 Serxio Peres Force İndia 1:33.319 + 0:02.009 34
16 18 Ləns Stroll Williams 1:33.361 + 0:02.051 36
17 9 Markus Eriksson Sauber 1:33.944 + 0:02.634 34
18 55 Karlos Sayns Toro Rosso 1:34.072 + 0:02.762 5
19 94 Paskal Verlyayn Sauber 1:34.117 + 0:02.807 29
20 2 Stoffel Vandorn McLaren 1:34.230 + 0:02.920 8
, , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*