Mixael Şumaherin rəsmi internet saytı michael-schumacher.de ünvanında yerləşir, amma schumacher.de ünvanı da var və bu ünvanın yeddiqat dünya çempionuna heç bir aidiyyatı yoxdur – bu sayt model biznesinə həsr olunub və Mixaelin soyadaşı Toni Şumaherə məxsusdur.
Maraqlıdır ki, bu domendə iki altdomen (subdomen) var ki, Formula1 sürücülərinin adlarına uyğundur – michael.schumacher.de və ralf.schumacher.de, bu fakt isə Mixaelin meneceri Villi Veberin haqlı narazılığına səbəb olub.
Veber öz mövqeyini Kölndə nəşr olunan Express qəzetində bildirib: “Təəccüblüdür ki, bir çoxları hələ də Mixaelin məhşurluğundan öz xeyrilərinə istifadə etməyə çalışırlar. Mən elə bilirdim ki, bunlar keçmişdə qalıb, hazırda bizim vəkillər məhkəməyə müraciət etmək imkanını araşdırırlar.”
