Quru. Günəşli. Havanın temperaturu +18° C, trasın temperaturu +36° C
Türkiyə mərhələsi ərəfəsində komandalar maşınları ciddi təkmilləşdiriblər və İstanbul Parkda sıralanma turu qüvvələr nisbətindəki dəyişikliklər barədə suallara cavab verməli idi. Mövsümün ilk üç yarışında poul qazanmış Sebastyan Fettel cümə günü demək olar ki, trasda işləməmişdi, ona görə də onun rəqiblərinin ənənəni dəyişmək şansı peyda olmuşdu.
Düzdür, bu gün səhər sərbəst yürüşlərdə Fettel Mixael Şumaheri cəmi 0.001 saniyə qabaqlayaraq birinci olmuşdu – Mercedes GP ciddi inkişaf edib, amma yalnız sıralanma turu az ayanacaqla maşının təmiz sürətindən xəbər verməli idi.
Birinci sessiyanın əvvəlində Kobayaşinin maşınında yanacaq sistemində problemlər yaşanıb, marşallar maşını boksa qədər itələməli olub və Kamui bir daha trasa qayıtmayıb. Protokollara isə Felipe Massa başçılıq edib, Kamui ilə birlikdə yeni komandaların bütün sürücüləri mübarizədən kənar qalıblar. Yenilərdən ən yaxşı isə yenə də Heykki Kovalaynen olub.
İkinci sessiya insidentsiz ötüşüb, Fettel protokollara başçılıq edib, mübarizəni isə Williams, Force İndia, Toro Rosso sürücüləri ilə birlikdə Serxi Peres dayandırıb. Keçənilki beş ən güclü komandalar tam heyətlə üçüncü sessiyaya keçiblər.
Fettel və Uebber elə ilk cəhdlərində birinciliyi ələ alıblar və trasa qayıtmayıblar. Üçüncü yer uğrunda isə gərgin mübarizə gedib və Rosberq rəqiblərini üstələyə bilib. Beləliklə, Fettel mövsümdə 4-cü, ardıcıl 5-ci, karyerasında isə 19-cu poulunu qazanıb. Felipe Massa sonuncu sessiyada nəticə göstərməyib.
Red Bull sürücüləri ilk cərgədən start alacaqlar və onlar bir yumşaq təkər dəstinə qənaət ediblər, bu isə yarışda onlara kömək edə bilər…
| Yer | Pilot | Komanda | Motor | I sessiya | II sessiya | III sessiya | |||
| Yer | Vaxt | Yer | Vaxt | Vaxt | Fərq | ||||
| 01 | S.Fettel | Red Bull | Renault | 02 | 1:27.039 | 01 | 1:25.610 | 1:25.049 | – |
| 02 | M.Uebber | Red Bull | Renault | 03 | 1:27.090 | 04 | 1:26.075 | 1:25.454 | + 0.405 |
| 03 | N.Rosberq | Mercedes GP | Mercedes | 10 | 1:27.514 | 02 | 1:25.801 | 1:25.574 | + 0.525 |
| 04 | L.Həmilton | McLaren | Mercedes | 04 | 1:27.091 | 03 | 1:26.066 | 1:25.595 | + 0.546 |
| 05 | F.Alonso | Ferrari | Ferrari | 05 | 1:27.349 | 06 | 1:26.152 | 1:25.851 | + 0.802 |
| 06 | C.Batton | McLaren | Mercedes | 06 | 1:27.374 | 08 | 1:26.485 | 1:25.982 | + 0.933 |
| 07 | V.Petrov | Lotus Renault GP | Renault | 09 | 1:27.475 | 09 | 1:26.654 | 1:26.296 | + 1.247 |
| 08 | M.Şumaher | Mercedes GP | Mercedes | 13 | 1:27.697 | 05 | 1:26.121 | 1:26.646 | + 1.597 |
| 09 | N.Haydfeld | Lotus Renault GP | Renault | 15 | 1:27.901 | 10 | 1:26.740 | 1:26.659 | + 1.610 |
| 10 | F.Massa | Ferrari | Ferrari | 01 | 1:27.013 | 07 | 1:26.395 | – | – |
| 11 | R.Barrikello | Williams | Cosworth | 17 | 1:28.246 | 11 | 1:26.764 | – | – |
| 12 | A.Sutil | Force İndia | Mercedes | 07 | 1:27.392 | 12 | 1:27.027 | – | – |
| 13 | P.di Resta | Force İndia | Mercedes | 12 | 1:27.625 | 13 | 1:27.145 | – | – |
| 14 | P.Maldonado | Williams | Cosworth | 08 | 1:27.396 | 14 | 1:27.236 | – | – |
| 15 | S.Peres | Sauber | Ferrari | 14 | 1:27.778 | 15 | 1:27.244 | – | – |
| 16 | S.Buemi | Toro Rosso | Ferrari | 11 | 1:27.620 | 16 | 1:27.255 | – | – |
| 17 | X.Algersuari | Toro Rosso | Ferrari | 16 | 1:28.055 | 17 | 1:27.572 | – | – |
| 18 | H.Kovalaynen | Team Lotus | Renault | 18 | 1:28.780 | – | – | – | – |
| 19 | Y.Trulli | Team Lotus | Renault | 19 | 1:29.673 | – | – | – | – |
| 20 | J.D’Ambrozio | Marussia Virgin | Cosworth | 20 | 1:30.445 | – | – | – | – |
| 21 | V.Liutsi | Hispania | Cosworth | 21 | 1:30.692 | – | – | – | – |
| 22 | T.Qlok | Marussia Virgin | Cosworth | 22 | 1:30.813 | – | – | – | – |
| 23 | N.Kartikeyan | Hispania | Cosworth | 23 | 1:31.564 | – | – | – | – |
| 24 | K.Kobayaşi | Sauber | Ferrari | 24 | – | – | – | – | – |
