Roman Qrojan Hokkenhaymda Almaniya Qran Prisinin startında 5 yer itirəcək – bu gün komanda onun maşınında Silverstounun son dövrəsində ötürmələr qutusunda yaranmış problemi üzə çıxarıb. Qutunu nəzərdən keçirən mühəndislər qərara alıblar ki, onu yalnız dəyişmək olar, bu isə növbəti yarışın startında 5 yer itirmək deməkdir.
Ceyms Əllison, texniki direktor: “Ötürmələr qutusu ilə problemlər üzə çıxıb və bizim bəxtimiz gətirib ki, yarışın startına qədər bunu üzə çıxarmışıq. Təəssüf ki, Hokkenhaymda Roman 5 yer itirməli olacaq. Amma Silverstounda o sübut etdi ki, hətta peletonun sonundan belə irəliləmək olar.”
