25 Avqust 2019, Bazar - 07:44

Mercedes C.Rasseli transfer edib

Mercedes C.Rasseli transfer edib

Müəllif: Rauf Hacıyev, redaktor

21:12 - 19 Yanvar, 2017

Mercedes komandası Gənc Sürücü Akademiyası üçün Corc Rassel ilə müqavilə bağlayıb. Gənc sürücü bu il ART komandasının heyətində GP3-də çıxış edəcək.

F-1.az xatırladır ki, Corc Rassel son iki mövsümü Avropa Formula3-də keçirib və keçən mövsümü 2 qələbə və 10 podiumla ikinci bitirib.

Paskal Verlyayn Sauber-ə, Esteban Okon isə Force İndia-ya getdikdən sonra Mercedes gənc sürücü axtarışlarına çıxmışdı. Almanlar 1998-ci il təvəllüdlü Corc Rassellə müqavilə bağlayıblar.

Corc Rassel: “Mercedes-in gənc sürücü proqramında olmaq mükəmməldir. Son çempion tərəfindən dəstəklənmək gözəldir. Simulyatorda bəzi testlər etdim və bu, mənim inkişafıma kömək edəcək. Yaxşı insanlarla işləmək gözəl fürsətdir”.

Mercedes Motorsport-un rəhbəri Toto Volff da bu barədə fikirlərini bildirib: “Corc aşağı seriyalarda göstərdiyi performansla diqqət mərkəzimizdə idi. Karyerası yeni başlasa da, onda böyük potensial görürük”.


Son Xəbərlər

İnformasiya

Bölüm Xəbərlər
Mənbə
Baxış Sayı 1. 897
Teqlər , , , ,
Paylaş

logo