McLaren komandası maşın üzərindəki tünd göy rəngi açıq göy rənglə əvəz edəcək. Buna səbəb komandanın əsas tərəfdaşlarından biri Gulf şirkətinin korporativ rəngidir.
Qeyd edək ki, McLaren komandası 1968-ci ildən 1972-ci ilədək bu rəng çalarları ilə həm F1-də, həm də Can-Am çempionatında iştirak edib.
Formula1 reqlamentinə görə komandalar mövsümü 1 rəng çalarında bitirməlidirlər. Buna görə də McLaren yeni dizayna görə FİA və FOM-dan icazə alıb.
Zek Braun: “Hamı bunu sevdi və icazədə problem yaşamadıq. Lakin bunu Monakoda istifadə edəcəyik. Xüsusi dizayn xüsusi olaraq qalmalıdır. Belə hallar Formula1-də həmişə olmur. Azarkeşlərin reaksiyasını görmək üçün səbirsizlənirəm. Bu bolid Monakonun ulduzu olacaq”.
