Group Lotus şirkətlər qrupu Lotus Renault GP komandası ilə əməkdaşlığın yekununu və 70-80-ci illərin klassik rənglərinin qayıtmasına azarkeşlərin reaksiyasını müsbət qiymətləndirib. Ona görə də gələn il komandanın yarış maşınları və avadanlıqları qara-qızılı rənglərə boyanacaq.
London Ali Məhkəməsinin bu yaxınlarda Lotus Renault GP komandasının Formula1-də qara-qızılı rənglərdə leqal çıxış etməsinə etiraz etməməsi Group Lotus-un qərarını möhkəmlədib…
Dəni Bahar, Group Lotus-un icraçı direktoru: “Hesab edirəm ki, bizə stabillik lazımdır. Bu rənglərdən bizim xoşumuz gəlir, yol maşınlarının məhdud sayında biz elə bu rənglərdən istifadə edirik. Bundan başqa, bu rənglər azarkeşlərin də xoşuna gəlir – ona görə də mən rəngləri dəyişməyi mənasız görürəm.”