07 Dekabr 2019, Şənbə - 12:56

K.Rəykkönen qayıdır!

K.Rəykkönen qayıdır!

Müəllif: Rəhim N.Əliyev, baş redaktor

07:57 - 18 Dekabr, 2011

Lotus Renault GP komandası (gələn ildən Lotus) elan edib ki, gələn il onun sürücülərindən biri Kimi Rəykkönen olacaq. 2007-ci ilin […]

Lotus Renault GP komandası (gələn ildən Lotus) elan edib ki, gələn il onun sürücülərindən biri Kimi Rəykkönen olacaq. 2007-ci ilin dünya çempionu 2009-cu ildə çempionatı tərk etmişdi, amma yenidən Formula1-ə qayıtmağı qərara alıb. Kimi komanda ilə ikiillik müqavilə imzalayıb.

Kimi Rəykkönen: “Mən ikiillik fasilədən sonra Formula1-ə qayıtmağa şadam və belə bir imkanı mənə verdikləri üçün Lotus Renault GP komandasına minnətdaram. Ralli çempionatında çıxış etmək sürücü kimi mənə faydalı idi, amma son vaxtlar mən yenidən Formula1-ə qayıtmağı arzu edirdim. Lotus Renault GP komandasını seçmək isə çox asan oldu, komandanın ambisiyaları məni təəccübləndirdi. İndi mən komandaya liderliyi qazanmağa kömək edəcəm.”

Jerar Lopes, komandanın həmsahibi: “Son illər biz dəfələrlə demişdik ki, bizim komandamız qarşısına ciddi məqsədlər qoyub. Biz gərgin çalışırıq ki, yeni komandanın bünövrəsi möhkəm olsun, çünki tezliklə yüksək mövqelər uğrunda mübarizəyə başlamalıyıq.

Kiminin Formula1-ə bizimlə qayıtmaq istəyi birinci addımdır, bu addım gələcəkdə bizi daha güclü rəqibə çevirməlidir – növbəti addımları gözləyin. Əlbəttə, elə biz də keçmiş dünya çempionu ilə əməkdaşlığı səbirsizliklə gözləyirik. Bütün əməkdaşlarımız adından Kimini Ənstounda salamalamağa şadam.”


Son Xəbərlər

İnformasiya

Bölüm Xəbərlər
Mənbə
Baxış Sayı 418
Teqlər
Paylaş

logo