Kataloniya Qran Prisi: Markesdən rəqiblərinə sarsıdıcı zərbə!

Kataloniya Qran Prisinin sıralanma turu yerli sürücülərin zəfəri ilə başa çatıb - ispaniyalı sürücülər ilk dörd yeri zəbt ediblər. Öz azarkeşlərinin gözləri önündə poulu ikiqat dünya çempionu Mark Markes qazanıb.

F-1.az xəbər verir ki, Mark Barselonada dominantlıq edib. Honda-nın sürücüsü 104 saniyədən sürətli olan yeganə sürücü kimi günü başa vurub. Protokollarda Mark ən yaxın izləyicisini yarım saniyə qabaqlayıb.

Maraqlıdır ki, Markes əsas üstünlüyünü dövrənin ilk yarısında əldə edib, ona görə də onun üstünlüyü Moto2 sinfində Luis Salomun vəfatından sonra trasın konfiqurasiyasının dəyişməsi ilə əlaqədar deyil.

Sonuncu dünya çempionu və cari mövsümün lideri Yamaha sürücüsü Xorxe Lorenso ikinci nəticə göstərib. Sabahkı yarışın startında ilk cərgəni Markesin Honda-da komanda yoldaşı Dani Pedrosa tamamlayacaq.

Yerli sürücülərin doğma trasda uğurunu Avintia komandasının sürücüsü Hektor Barbera tamamlayıb. İkinci cərgəni onunla Yamaha-nın sürücüsü Valentino Rossi və Suzuki-dən Maverik Vinyales bölüşəcəklər.

Sabah yarış Bakı vaxtılə 16:00-da başlayacaq….

Yer Sürücü Komanda Motosiklet Zaman
1  Mark Markes Repsol Honda Team Honda RC213V 1:43.589
2  Xorxe Lorenso Yamaha Factory Racing Yamaha YZR-M1 1:44.056
3  Dani Pedrosa Repsol Honda Team Honda RC213V 1:44.307
4  Hektor Barbera Avintia Racing Ducati Desmosedici GP14 1:44.322
5  Valentino Rossi Yamaha Factory Racing Yamaha YZR-M1 1:44.324
6  Maverik Vinyales Team Suzuki MotoGP Suzuki GSX-RR 1:44.329
7  Kel Kratçlou Team LCR Honda RC213V 1:44.366
8  Andrea Yannone Ducati Team Ducati Desmosedici GP16 1:44.458
9  Danilo Petruççi Pramac Racing Ducati Desmosedici GP15 1:44.911
10  Andrea Dovitsiozo Ducati Team Ducati Desmosedici GP16 1:45.029
11  Skott Reddinq Pramac Racing Ducati Desmosedici GP15 1:45.030
12  Pol Esparqaro Monster Yamaha Tech 3 Yamaha YZR-M1 1:45.218
13  Aleş Esparqaro Team Suzuki MotoGP Suzuki GSX-RR 1:44.914
14  Brədli Smit Monster Yamaha Tech 3 Yamaha YZR-M1 1:45.197
15  Mikele Pirro Avintia Racing Ducati Desmosedici GP14 1:45.538
16  Yonni Hernandes Aspar Racing Team Ducati Desmosedici GP14 1:45.690
17  Yucin Laverti Aspar Racing Team Ducati Desmosedici GP14 1:45.885
18  Ştefan Bradl Aprilia Racing Team Aprilia RS-GP 1:45.892
19  Cek Miller Marc VDS Racing Team Honda RC213V 1:45.942
20  Tito Rabat Marc VDS Racing Team Honda RC213V 1:46.205
21  Alvaro Bautista Aprilia Racing Team Aprilia RS-GP 1:46.463
, , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*