Yamaha-nın əfsanəvi sürücüsü Valentino Rossi 2016-cı il mövsümünün dördüncü yarışında ilk qələbəsini qazanmaqla əsas rəqibləri Xorxe Lorensonu və Mark Markesi arxada qoyub.
F-1.az xatırladır ki, “Doktor” ləqəbli sürücü yarışa pouldan başlayıb və italiyalı yarış ərzində yerini qoruyaraq qələbə qazanıb.
İspaniyalı sürücülər öz vətənlərində Valentino Rossiyə mane ola bilməyilər. Xorxe Lorenso yarışın yarısına qədər Mark Markesin hücumlarına tab gətirərək fərqi açsa da, Valentino Rossiyə çata bilməyib və finişə ikinci yerdə çatıb.
Yamaha sürücülərini Honda sürücüləri izləyiblər. Mark Markes 3-cü, Dani Pedrosa isə 4-cü pillənin sahibi olublar.
Suzuki komandasında çıxış edən Aleş Esparqaro 5-ci, onun komanda yoldaşı Maverik Vinyales isə 6-cı pilləni tutublar.
Ducati komandası isə Xeresdə builki ən pis nəticəsini göstərib. Andrea Yannone səkkizinci yeri tutduğu halda, komanda yoldaşı Dovitsiozo 10-cu dövrədə mexaniki problemə görə yarışı vaxtından əvvəl dayandırıb.
Keçənilki britaniya yarışından sonra ilk dəfə qalib gələn Valentino premyer klasda 87-ci, ümumi yarış karyerasında isə 113-cü qələbəsinə sevinib…
| Yer | Sürücü | Komanda | Motosiklet | Zaman/Fərq | Dövrə |
| 1 |  Valentino Rossi | Movistar Yamaha MotoGP | Yamaha YZR-M1 | 45:28.834 | 27 |
| 2 |  Xorxe Lorenso | Movistar Yamaha MotoGP | Yamaha YZR-M1 | + 0:02.386 | 27 |
| 3 | Mark Markes | Repsol Honda Team | Honda RC213V | + 0:07.087 | 27 |
| 4 | Dani Pedrosa | Repsol Honda Team | Honda RC213V | + 0:10.351 | 27 |
| 5 | Aleş Esperqaro | Team Suzuki ECSTAR | Suzuki GSX-RR | + 0:14.143 | 27 |
| 6 | Maverik Vinyales | Team Suzuki ECSTAR | Suzuki GSX-RR | + 0:16.772 | 27 |
| 7 | Andrea Yannone | Ducati Team | Ducati Desmosedici GP16 | + 0:26.277 | 27 |
| 8 | Pol Esperqaro | Monster Yamaha Tech 3 | Yamaha YZR-M1 | + 0:30.750 | 27 |
| 9 |  Yucin Laverti | Aspar Team MotoGP | Ducati Desmosedici GP14 | + 0:32.325 | 27 |
| 10 | Hektor Barbera | Avintia Racing | Ducati Desmosedici GP14 | + 0:32.624 | 27 |
| 11 |  Kel Kratçlou | LCR Honda | Honda RC213V | + 0:38.497 | 27 |
| 12 | Brədli Smit | Monster Yamaha Tech 3 | Yamaha YZR-M1 | + 0:39.669 | 27 |
| 13 |  Loris Baz | Avintia Racing | Ducati Desmosedici GP14 | + 0:45.227 | 27 |
| 14 |  Ştefan Bradl | Aprilia Racing Team Gresini | Aprilia RS-GP | + 0:47.886 | 27 |
| 15 |  Yonni Hernandes | Aspar Team MotoGP | Ducati Desmosedici GP14 | + 0:47.988 | 27 |
| 16 | Mikele Pirro | Octo Pramac Yakhnich | Ducati Desmosedici GP15 | + 0:49.414 | 27 |
| 17 |  Cek Miller | Estrella Galicia 0,0 Marc VDS | Honda RC213V | + 0:49.513 | 27 |
| 18 | Tito Rabat | Estrella Galicia 0,0 Marc VDS | Honda RC213V | + 0:53.334 | 27 |
| 19 | Skott Reddinq | Octo Pramac Yakhnich | Ducati Desmosedici GP15 | + 1:05.555 | 27 |
| – | Andrea Dovitsiozo | Ducati Team | Ducati Desmosedici GP16 | – | 9 |
| – | Alvaro Bautista | Aprilia Racing Team Gresini | Aprilia RS-GP | – | 5 |
