Aston Martin komandası Pirelli testləri və 29 iyul çərşənbə günü planlaşdırılan çəkiliş günü üçün Hungarorinqdə qalacaq. Çəkiliş günü çərçivəsində, maksimum 200 kilometr olmaq şərti ilə, yenilənmiş Honda güc qurğusu debüt edəcək.
“Macarıstanda biz komandaya güc qurğusunun inteqrasiyasında kömək edəcəyik, – deyə Honda Racing-in baş mühəndisi və yarış briqadasının rəhbəri Şintaro Orihara Macarıstandakı yarışdan sonra söyləyib. – Bu həftəsonu gələcək yarış üçün faydalı olacaq vacib məlumatlar topladıq.
Sonra biz vacib bir addım atıb yeni güc qurğusunun spesifikasiyasını Niderlandda təqdim edəcəyik. Amma bundan əvvəl, çərşənbə günü çəkiliş zamanı biz bu yeni mühərriki AMR26-da ilk dəfə istifadə edəcəyik”.
Aston Martin-in yeni modeldən çox şey gözləməsi səbəbindən Honda-da təzyiq hiss edilib-edilmədiyi sualına cavab verən Orihara deyib: “Doğrusu, bəli. Yenilənmiş şassinin sayəsində rəqiblərlə mübarizəyə qayıtmışıq. Hər bir təkmilləşdirmə fərqi azaltmaq üçün vacibdir. Şassi yaxşı işləyir və indi yeni güc qurğusunu Zandfortda təqdim etmək vacibdir. Bizim güc qurğumuz dövrə vaxtını geri azaltmağa kömək etməlidir”.
