FİA-nın avtoidman üzrə Ümumdünya Şurasının bu gün Monakoda keçirilmiş iclasında Formula1-in idman və texniki reqlamentlərinə çoxsaylı düzəlişlər edilib. Sizin diqqətinizə yeniliklərin siyahısını çatdırırıq:
– Komanda taktikasının qadağası bəndi ləğv edilib (39.1) – komandalara əlavə məlumat veriləcək ki, idmanın imicinə xələl gətirəcək istənilən hərəkətlərə görə onlar Beynəlxalq idman kodeksinin 151c maddəsinə uyğun cavab verəcəklər.
– Hakimlərin təyin etdikləri cərimələr siyahısına düzəlişlər etməyə icazə verilib.
– Sürücülərin trasda davranışları norması yenilənib.
– Pit-leynin maşınların keçməsi üçün nəzrdə tutulan hissəsi məhdudlaşdırılıb.
– Yarışın gedişində yarışın direktorunun təhlükəsizlik baxımından pit-leyni bağlamaq hüqunun olması barədə yeni maddə əlavə olunub.
– 2011-ci ildə komandalar keçid təkərlərdən istifadə edəcəklər.
– Yarışın gedişində hər iki quru təkər tərkibindən istifadə etməyən sürücülər üçün cəza tədbirləri yenilənib.
– Ötürmələr qutusu dörd deyil, beş yarışda ardıcıl istifadə olunacaq.
– Təhlükəsizlik maşınını keçmək qaydaları dəqiqləşdirilib.
– Arxa hərəkətli antiqanadın təfərrüatları dəqiqləşdirilib.
– Maşının altlığının və bəzi elementlərin bərkliyinin daha sərt yoxlama metodları təsdiq olunub.
– Sürücnün ayağını qorumaq üçün xüsusi panellərdən istifadəyə icazə verilib.
2012-ci ildən aşağıdakı qaydalar əlavə olunacaq:
– Komandaların uik-end zamanı danışıqları hamı üçün aşkar olacaq.
– Bio kütlədən hazırlanmış komponentlərin yanacağa əlavə olunması.
– Asılqanların dirəkləri məhdudlaşdırılacaq.
Hələlik dərc olunmuş siyahıda təfərrüatlar yoxdur, yaxın zamanda federasiya tam versiyanı dərc edəcək. Ümumdünya Şurasının növbəti iclası isə Parisdə martın 8-də baş tutacaq…