Beynəlxalq Avtomobil Federasiyası Monako Qran Prisinin gedişində arxa antiqanadın hərəkətli elementindən istifadəni məhdudlaşdırmaq qərarına gəlib. FİA-nın məmurları DRS sistemini tuneldə və ona bitişik zonalarda aktivləşdirməyi qadağan ediblər.
Bu məhdudlaşdırma sürücülərin xahişi ilə tətbiq olunub, onların fikrincə, DRS-in tuneldə istifadəsi çox təhlükəlidir – bu sahədə yol tozlu olduğu üçün və günəş şüaları bu sahəyə düşmədiyi üçün təkərlərin asfaltla ilişməsi aşağı düşür.
Federasiyanın nümayəndələri bir daha təsdiq ediblər ki, bazar günü DRS yalnız start-finiş düzlüyündə istifadə olunacaq…
