Belə materialların dalğasını dayandırmaq istəyən Ferrari qeyri-adi addım atıb. Ferrari-nin kommunikasiya direktoru Mariya Konti bəyanat yayımlayıb və Formula1 komandasının rəhbərliyində heç bir dəyişiklik planlaşdırılmadığını vurğulayıb.
Mariya Konti: “Son günlər Ferrari ətrafında, xüsusən də komandanın rəhbərliyi ilə bağlı müxtəlif ehtimallar daha tez-tez ortaya çıxır. Ferrari-nin mövqeyi tamamilə aydındır və dəyişməyib. Biz artıq lazımi qərarları qəbul etmişik və Frederik Vassyörə və onun komandasına tam etibar edirik. Bundan sonra da bu mövqeyə sadiq qalacağıq.
Hazırda komandanın vahid və birləşmiş qalması xüsusilə vacibdir. Bütün gücümüzü və diqqətimizi işə yönəltməliyik.
Ferrari hər zaman özünə böyük maraq cəlb edib və bir çox mütəxəssisin şirkətimizin bir hissəsinə çevrilmək istəməsi tamamilə təbiidir. Bu, yalnız Ferrari-nin gücünü və onun nəyi təmsil etdiyini təsdiqləyir. Məhz buna görə də spekulyasiyaları qidalandırmaq istəmirik və şirkətdən kənarda ortaya çıxan ehtimallara münasibət bildirməyəcəyik.
Söhbət yalnız The Times-da Hornerə həsr olunmuş dərcdən getmir. Ümumilikdə hazırda Frederikin gələcəyi ilə bağlı çoxlu ehtimallar ortaya çıxır, buna görə də bir daha vurğulamaq istəyirəm – biz Frederik Vassyörə və onun komandasına etibar etməyə davam edirik. Mövqeyimiz tamamilə aydındır və bu, təkcə indi belə deyil. Biz bunu daha əvvəl də təsdiqləmişik”.
