Bəzi ekspertlər hesab edirlər ki, mövsümün ilk altı yarışında beş qələbə qazanmış Censon Batton üçün bu il titul qazanmaq sadəcə formal xarakter daşıyacaq, amma britaniyalı sürücü bu fikirlə razı deyil…
Censon Batton: “Nə qədər ki, rəqiblərimin titul qazanmağa riyazi şansları var, deməli mübarizə davam edəcək. Məncə, bu mübarizə mövsümün sonuncu yarışına kimi davam edəcək. Mən Türkiyədə uğur qazanmağa ümid edirəm, amma hələlik biz optimal balans tapmamışıq. Ümid edirəm ki, biz uğur qazanacayıq – bizim sürətli maşınımız var, maşın bu trasda rəqabətədavamlıdır, amma titulun taleyi Türkiyədə həll olunmayacaq – mövsümün sonuna hələ çox var.”
