F-1.az xatırladır ki, məşqlərdə cümə günü Maks Ferstappen, dünən isə Şarl Lekler sürətli olub. Niderlandlı sürücü sıralanma turunda növbəti poulunu qazanıb.
McLaren sürücüləri də sıralanma turunda fərqləniblər. Yarışa Ferstappen və Norris ilk, Piastri və Lekler ikinci, Sayns və Rassell isə üçüncü cərgədən başlayıblar.
Pirelli bura üçün C1,C2 və C3 kimi sərt kombinasiya seçib. Sürücülərin çoxu yeni təkərlərdə asfaltla ilişmənin olmamasından şikayətləniblər. Hülkenberq və Bottas sərt, Rassell, Okon, Tsunoda və de Friz yumşaq, qalanları isə orta təkərlərlə yarışa başlayıblar.
Startda Norris Ferstappeni üstələyib. Həmilton və Elbon 2 sıra itirib, Alonso və Qasli isə qazanıb. 2-ci dövrədə ilk onluq: Norris – Ferstappen – Piastri – Lekler – Rassell – Sayns – Alonso – Həmilton – Qasli – Elbon.
Maks liderliyini beşinci dövrədə bərpa edə bilib. Bir dövrə sonra Peres Hülkenberqi geridə qoyub. Həmilton isə Alonsonu 7-ci dövrədə üstələyib. Hülkenberq Pereslə təmasdan sonra pit-stop edib, təkərləri və ön qanadı dəyişməli olub.
Okon 10-cu dövrədə hidravlik sistemdəki sızmaya görə yarışdan çəkilib. Peres Strollu geridə qoyub. Sarcent Tsunodanı keçib, yapon sürücü dərhal təkər dəyişməyə yollanıb. Peres Elbonu da ötüb, Lekler isə pit yoluna üz tutub. 27-ci dövrədən etibarən Sayns, de Friz, Rassell, Peres və Sarcent də yeni təkərlərə keçiblər.
Rassell Saynsı, Piastri isə Qaslini hücum edərək geridə qoyub. Qasli və Stroll 32-ci dövrədə pit-stop ediblər. Maqnussen 33-cü dövrədə güc itirdiyi üçün dayanıb. VTM rejimi elan edilib, Lekler, Elbon, Bottas və de Friz təkər dəyişiblər. Bir qədər sonra isə real TM trasa çıxıb. Bu fürsətdən Festappen, Norris, Həmilton, Alonso və Çjou istifadə ediblər. Təhlükəsizlik Maşınının arxasında ilk onluq: Ferstappen – Norris – Həmilton – Piastri – Rassell – Alonso – Sayns – Peres – Elbon – Lekler.
Çjou yenidən pit-stop etməli olub. Restart 39-cu dövrədə elan olunub. Ferstappen dərhal uzaqlaşıb. Həmilton bir neçə dəfə Norrisə hücum etsə də, onu ötməyə nail ola bilməyib. Strolla tras limitlərini bir neçə dəfə aşdığı üçün ağ-qara bayraq göstərilib. Sayns 44-cü dövrədə eyni anda Peres, Elbon və Leklerdən geri qalıb.
Qasli və Strollun təmasından sonra fransız sürücü trasdan çıxmalı olub və asılqanı zədələnib. Nəticədə komanda onu pitə çağırıb və mübarizəni erkən dayandırıb. Peres 47-ci dövrədə Alonsonu keçib. Strolla 5 saniyəlik cəza verilib, Norrisə də tras hüdudlarını pozduğu üçün xəbərdarlıq edilib. Lekler son dövrədə Elbona hücumlar etsə də, onu ötə bilməyib.
Maks Ferstappen ardıcıl altıncı, mövsümdə səkkizinci, karyerasında isə 43-cü qələbəsini qazanıb. Bu, eyni zamanda Red Bull komandasının ardıcıl 11-ci qələbəsi olub və bu göstərici ilə McLaren-in 1988-ci ildəki rekordunu təkrarlayıblar. Lando Norris ikinci olaraq McLaren-ə mövsümdə ən yaxşı nəticəsini qazandırıb. Komanda yubiley yarışında Oskar Piastrinin də dördüncü olması ilə 30 xal alıb. Lyuis Həmilton isə podiumun son pilləsini tutub.
Mübarizə 2 həftə sonra Macarıstanda davam edəcək.
| Yer | N | Sürücü | Komanda | Zaman | Pit |
| 1 | 1 | Maks Ferstappen | Red Bull | 1:25:16.938 | 1 |
| 2 | 4 | Lando Norris | McLaren | +3.798 | 1 |
| 3 | 44 | Lyuis Həmilton | Mercedes | +6.783 | 1 |
| 4 | 81 | Oskar Piastri | McLaren | +7.776 | 1 |
| 5 | 63 | Corc Rassell | Mercedes | +11.206 | 1 |
| 6 | 11 | Serxio Peres | Red Bull | +12.882 | 1 |
| 7 | 14 | Fernando Alonso | Aston Martin | +17.193 | 1 |
| 8 | 23 | Aleksander Elbon | Williams | +17.878 | 1 |
| 9 | 16 | Şarl Lekler | Ferrari | +18.689 | 2 |
| 10 | 55 | Karlos Sayns | Ferrari | +19.448 | 1 |
| 11 | 2 | Loqan Sarcent | Williams | +23.632 | 1 |
| 12 | 77 | Valtteri Bottas | Alfa Romeo | +25.830 | 1 |
| 13 | 27 | Niko Hülkenberq | Haas | +26.663 | 2 |
| 14 | 18 | Ləns Stroll* | Aston Martin | +27.483 | 1 |
| 15 | 24 | Quanyu Çjou | Alfa Romeo | +29.820 | 3 |
| 16 | 22 | Yuki Tsunoda | AlphaTauri | +31.225 | 2 |
| 17 | 21 | Nik de Friz | AlphaTauri | +33.128 | 2 |
Sürətli dövrə: Maks Ferstappen (Red Bull) – 1:30.275 (42-ci dövrə, 234.922 km/saat)
* – Pyer Qasli ilə isnidentə görə Ləns Strollun nəticəsinə 5 saniyə əlavə olunub.
MÜBARİZƏNİ DAYANDIRANLAR:
| Sürücü | Komanda | Dövrə | Səbəb |
| Pyer Qasli | Alpine | 46 | asılqan |
| Kevin Maqnussen | Haas | 33 | mühərrik |
| Esteban Okon | Alpine | 10 | hidravlika |
SÜRÜCÜLƏRİN ÇEMPİONATI:
| Yer | N | Sürücü | Ölkə | Komanda | Xal |
| 1 | 1 | Maks Fertappen |  |
Oracle Red Bull Racing | 255 |
| 2 | 11 | Serxio Peres |  |
Oracle Red Bull Racing | 156 |
| 3 | 14 | Fernando Alonso |  |
Aston Martin Aramco Cognizant F1 Team | 137 |
| 4 | 44 | Lyuis Həmilton |  |
Mercedes-AMG PETRONAS F1 Team | 121 |
| 5 | 55 | Karlos Sayns | |
Scuderia Ferrari | 83 |
| 6 | 63 | Corc Rassell | |
Mercedes-AMG PETRONAS F1 Team | 82 |
| 7 | 16 | Şarl Lekler |  |
Scuderia Ferrari | 74 |
| 8 | 18 | Ləns Stroll |  |
Aston Martin Aramco Cognizant F1 Team | 44 |
| 9 | 4 | Lando Norris | |
McLaren F1 Team | 42 |
| 10 | 31 | Esteban Okon |  |
BWT Alpine F1 Team | 31 |
| 11 | 81 | Oskar Piastri |  |
McLaren F1 Team | 17 |
| 12 | 10 | Pyer Qasli | |
BWT Alpine F1 Team | 16 |
| 13 | 23 | Aleksander Elbon | |
Williams Racing | 11 |
| 14 | 27 | Niko Hülkenberq |  |
MoneyGram Haas F1 Team | 9 |
| 15 | 77 | Valtteri Bottas |  |
Alfa Romeo F1 Team Stake | 5 |
| 16 | 24 | Quanyu Çjou |  |
Alfa Romeo F1 Team Stake | 4 |
| 17 | 22 | Yuki Tsunoda |  |
Scuderia AlphaTauri | 2 |
| 18 | 20 | Kevin Maqnussen |  |
MoneyGram Haas F1 Team | 2 |
MÜHƏNDİSLƏR KUBOKU:
| Yer | Komanda | Motor | Xal |
| 1 | Oracle Red Bull Racing | Honda RBPT | 411 |
| 2 | Mercedes-AMG PETRONAS F1 Team | Mercedes | 203 |
| 3 | Aston Martin Aramco Cognizant F1 Team | Mercedes | 181 |
| 4 | Scuderia Ferrari | Ferrari | 157 |
| 5 | McLaren F1 Team | Mercedes | 59 |
| 6 | BWT Alpine F1 Team | Renault | 47 |
| 7 | Williams Racing | Mercedes | 11 |
| 8 | MoneyGram Haas F1 Team | Ferrari | 11 |
| 9 | Alfa Romeo F1 Team Stake | Ferrari | 9 |
| 10 | Scuderia AlphaTauri | Honda RBPT | 2 |
