Formula1 rəhbərliyi mövsümün iki mərhələ ilə Yaxın Şərqdə – Qətər və Əbu Dabidə başa çatdırılması üçün bir neçə variantı nəzərdən keçirir.
Bəhreyn mərhələsinin mövsümün sonuna köçürülərək ardıcıl üç Qran Pri seriyasının yaradılması – Qətər – Əbu Dabi – Bəhreyn – ideyası dəstək tapmayıb. Logistikanı təmin edən DHL, eləcə də Audi və Mercedes istənilən vaxt alovlana bilən münaqişə bölgəsinə getməkdən imtina edirlər.
Buna cavab olaraq Formula 1 komandalara müzakirə üçün iki variant təklif edib.
Birinci: Qətər və Əbu Dabi final mərhələlərini ləğv edib mövsümü Las Veqasda ikiqat mərhələ ilə başa vurmaq; nəticədə təqvim 24 yox, 21 Qran Pri əhatə edəcək.
İkinci: mövsümü Portimao və Barselonada mərhələlərlə başa vurmaq. Həmin mərhələlərin təşkilatçıları onları qəbul etməyə hazırdır.
Qərar Belçika Qran Pri həftəsi ərzində, iyulun ortalarında veriləcək.
