Quru. Buludlu. Havanın temperaturu +17°-18° C, trasın temperaturu +19°-23° C

Bu gün səhər yağış yağmayıb və komandalar hazırladıqları yeniliklərlə və yenilənmiş Pirelli təkərlərilə məhsuldar işləyə biliblər – Silverstounda baş vermiş çoxsaylı insidnetlərdən sonra təkər istehsalçısı məhsulun konstruksiyasında dəyişiklik edib: təkərin əsasında polad təbəqə kevlar təbəqə ilə əvəz olunub.

Bundan başqa, dünən FİA təkərlərlə iş qaydasını tövsiyyə etmişdi – bütün komandalara ön və arxa təkərlərdə minimal təzyiq, təkərlərin maşında üfüqi və şaquli kənarlaşma bucaqları məsləhət olunan məktub göndərilmişdi, ona görə də mühəndislər bu düzəlişlərin effektliyini də qiymətləndiriblər.

Marussia komandasında özünü pis hiss etmiş Jül Byankini komandanın ehtiyat sürücüsü Rodolgo Qonsales əvəz edib.

Komandalar yeniliklərlə eksperimentlər keçiriblər. Əgər keçən Qran Pridə Lotus-un hazırladığı passiv DRS sistemi Kimi Rəykkönenin maşınına qoyulmuşdusa, bu dəfə Roman Qrojan yeniliyi yoxlayıb, Kimi isə komandanın hazırladığı digər yenilikləri yoxlayıb. Passiv DRS-i Mercedes AMG komandası Niko Rosberqin maşınında yoxlayıb.

Sessiyanın startından beş dəqiqə sonra Fernando Alonsonun maşınında elektronika problemləri üzə çıxıb. Sessiyanın ortasında ispaniyalı sürücü trasa qayıtsa da, bri dövrədən sonra boksa qayıdıb – maşında ECU işləməyib.

Protokollara Lyuis Həmilton başçılıq edib – 1:31.754, Rosberq komanda yoldaşına az uduzub, Mercedes AMG sürücüləri sıralanma turu rejimində işlədiklər üçün rəqiblərini xeyli qabaqlayıblar.

Nəticələr belə olub:

Quru, hərdən kiçik yağış. Buludlu. Havanın temperaturu +16°-17° C, trasın temperaturu +17°-20° C

Komandalar hələ iki həftə əvvəl Silverstoun yarışına bir çox yeniliklər hazırlamışdılar, amma pis hava üzündən onların effektliyini qiymətləndirə bilməmişdilər. Ona görə də komandalar Hokkenhaymda yeniliklərin testlərinə dərhal başlayıblar – sessiyanın əvvəlində səmanın üzünü qara buldular tutsalar da, tras hələ quru olub.

McLaren maşınlarında altlığın, qazburaxma sisteminin və yan pantonların konfiqurasiyası dəyişib, Lotus yeni DDRS sistemi hazırlayıb. Amma yarım saat quru trasda işlədikdən sonra yağış yağmağa başlayıb, ona görə də komandalar proqramlarına düzəlişlər ediblər.

Üç komanda trasa ehtiyat sürücülərini buraxıb – Valtteri Bottas Bruno Sennanı, Dani Klos Narain Kartikeyanı və Jül Byanki isə Pol di Resta əvəzləyib.

Yağış gah dayanıb, gah da yenidə yağıb, dəyişkən hava yeni və köhnə elementlərin müqayisəsinə mane olub. Sürücülərin çoxu trasdan çıxıb, son dəqiqələrdə 12-ci döngədə Bottas çınqıllığa düşüb. Protokollara isə Censon Batton başçılıq edib – 1:16.595…

Nəticələr belə olub:

Quru. Buludlu. Havanın temperaturu +14° C, trasın temperaturu +21° C

Bu gün səhər komandalar ənənəvi bərk təkərlərlə yanaşı komandalar Soft tərkibinin yeni versiyasını da yoxlayıblar – Pirelli-nin mühəndisləri lazımi məlumat toplayıblar.

Niko Hülkenberq Force İndia-nın sükanı arxasında Pol di Restanı, Narain Kartikeyan Hispania-da Vitantonio Liutsini, Karun Çandhok isə Team Lotus-da Yarno trullini əvəz edib.

Komandalar Nürburqrinqə çoxlu yeniliklər gətiriblər, ona görə də əlavə təkər dətsindən yetərincə istifadə olunub. Lotus Renault GP komandası qazburaxma sisteminin iki versiyası ilə işləyib, digər maşınlarda da diffuzorlar yenilənib.

Hava proqnozu yağış vəd etsə də, yürüşlər quru asfaltda keçib, ciddi insident də yaşanmayıb, düzdür, son dəqiqələrdə Sebastyen Buemi beşinci döngədə trasdan çıxaraq çınqıllı sahəyə düşüb. Ən yaxşı nəticələr yumşaq təkərlərlə göstərilib, protokollara isə Fernando Alonso başçılıq edib…

Nəticələr belə olub: