İtaliya mətbuatında xəbər yayılıb ki, 663 indeksi verilmiş Ferrari-nin yeni şassisi keçən həftə FİA-nın məcburi krəş-testlərini birinci cəhdindən keçə bilməyib – monokok kifayət qədər davamlı alınmayıb.
Düzdür, xəbər elə də dramatik deyil, Formula1-də belə hallar hər il baş verir, düzdür, top-komandalarda az rast gəlinir.
Hazırda Maranelloda mühəndislər monokokun bərkidilməsi ilə məşğuldurlar – sadəcə əlavə karbon qatları vurulur. Yaxın günlərdə təkrar krəş-testlər keçiriləcək.
