Madonna di Kampilyo kurortunda ənənəvi Wrooom tədbirinin dördüncü günü Fernando Alonso və Felipe Massanın jurnalistlərlə mətbuat konfransında uzunmüddətli görüşü ilə başlayıb. Nahardan sonra komandanın əsas sürücüləri ehtiyat sürücülər – Cankarlo Fizikella, Mark Jene və Jül Byanki – ilə birlikdə azarkeşlərlə görüşüblər, axşam isə xizək sürüblər.
Sabah sürücüləri və tədbirin qonaqlarını əyləncəli proqram gözləyir. Ferrari və Ducati komandalarının sürücüləri donmuş gölün üzərində kartinq və Fiat Panda-nın sükan arxasında yarışacaqlar, Luka Badoyer isə Ferrari-də 13 illik karyerasını bitirməsini F60-ın sükanı arxasında oturmaqla qeyd edəcək…