Yağış. Buludlu. Havanın temperaturu +10° C, trasın temperaturu +12° C
Bu gün səhər sürücülər Türkiyədə adət etmədikləri hava şəraiti ilə üzləşiblər. Səmanın üzünü buludlar örtüb, yağış yağıb, hava isə cəmi +10 dərəcəyədək qızıb. Sürücülər isə trasda yağış və keçid təkərləri ilə işləyiblər.
Sessiyada üç komandanın ehtiyat sürücüsü iştirak edib – Hülkenberq Force İndia-nın sükanı arxasında Sutili, Çandhok Team Lotus-da Kovalayneni, Rikkardo isə Toro Rosso-da Algersuarini əvəz edib.
Komandalar maşınlarını ciddi yeniləyiblər və ümid edirdilər ki, sərbəst yürüşlərdə yenilikləri yoxlasınlar, amma hava bu planları pozub – trasın vəziyyəti daim dəyişib və müqayisəli testlər baş tutmayıb.
Narain Kartikeyan elə ilk dövrəsində problemlərlə üzləşib, sessiyanın sonuna 40 dəqiqə qalmış 11-ci döngədə Timo Qlok fırlanıb, elə orda Şumaher və Fettel də trasdan çıxıblar – suyun çox olması üzündən akvaplaninq yaşanıb.
Sessiyanın sonuna 28 dəqiqə qalmış qırmızı bayraqlar dalğalanıb – 8-ci döngənin çıxışında yaş porebrikin üzərində sürüşən Sebastyan Fettel qəzaya uğrayıb. Maşın qoruyucu baryerə zərblə çırpılıb, sürücüyə xətər toxunmasa da, maşın ciddi zədələnib.
Sessiya başa çatdıqdan sonra isə Pastor Maldonado qəzaya uğrayıb – venesuelalı sürücü 11-cü döngədə trasdan çıxsa da, trasa qayıdıb və bir də trasdan çıxaraq baryerlərə çırpılıb.
Protokollara isə Fernando Alonso başçılıq edib…
Nəticələr belə olub:
| Yer | Pilot | Komanda | Motor | Vaxt | Fərq | Dövrə |
| 01 | F.Alonso | Ferrari | Ferrari | 1:38.670 | – | 13 |
| 02 | N.Rosberq | Mercedes GP | Mercedes | 1:40.072 | + 1.402 | 14 |
| 03 | M.Şumaher | Mercedes GP | Mercedes | 1:40.132 | + 1.462 | 18 |
| 04 | N.Haydfeld | Lotus Renault GP | Renault | 1:40.338 | + 1.668 | 9 |
| 05 | V.Petrov | Lotus Renault GP | Renault | 1:40.401 | + 1.731 | 10 |
| 06 | K.Kobayaşi | Sauber | Ferrari | 1:40.421 | + 1.751 | 16 |
| 07 | F.Massa | Ferrari | Ferrari | 1:40.697 | + 2.027 | 14 |
| 08 | D.Rikkardo | Toro Rosso | Ferrari | 1:41.094 | + 2.424 | 18 |
| 09 | S.Buemi | Toro Rosso | Ferrari | 1:41.178 | + 2.508 | 22 |
| 10 | N.Hülkenberq | Force İndia | Mercedes | 1:41.347 | + 2.677 | 16 |
| 11 | M.Uebber | Red Bull | Renault | 1:42.564 | + 3.894 | 5 |
| 12 | P.Maldonado | Williams | Cosworth | 1:42.597 | + 3.927 | 7 |
| 13 | P.di Resta | Force İndia | Mercedes | 1:43.525 | + 4.855 | 11 |
| 14 | R.Barrikello | Williams | Cosworth | 1:43.913 | + 5.243 | 5 |
| 15 | Y.Trulli | Team Lotus | Renault | 1:43.986 | + 5.316 | 6 |
| 16 | V.Liutsi | Hispania | Cosworth | 1:44.787 | + 6.117 | 20 |
| 17 | S.Fettel | Red Bull | Renault | 1:44.954 | + 6.284 | 4 |
| 18 | T.Qlok | Marussia Virgin | Cosworth | 1:45.183 | + 6.513 | 15 |
| 19 | J.D’Ambrozio | Marussia Virgin | Cosworth | 1:45.237 | + 6.567 | 11 |
| 20 | N.Kartikeyan | Hispania | Cosworth | 1:48.461 | + 9.791 | 8 |
| 21 | K.Çandhok | Team Lotus | Renault | 1:51.676 | + 13.006 | 6 |
| 22 | S.Peres | Sauber | Ferrari | 1:55.791 | + 17.121 | 13 |
| 23 | C.Batton | McLaren | Mercedes | 2:00.666 | + 21.996 | 4 |
| 24 | L.Həmilton | McLaren | Mercedes | – | – | 1 |
