Red Bull Racing komandası təsdiq edib ki, Valensiyada sıralanma turundan əvvəl sebastyan Fettelin maşınında motor dəyişdirilib. Səhər sərbəst yürüşlərdə alman sürücü cəmi altı dövrə vurmuşdu ki, motorla ciddi problemlər yaranıb. Texnoloji maye trasa axıb və sessiyanı 20 dəqiqə dayandırmaq lazım gəlib – yağı asfaltdan təmizləmək üçün.
Xatırladaq ki, hər bir sürücü mövsümün gedişində səkkiz motordan istifadə edə bilər. Hazırda Fettelin maşınına mövsümün əvvəlindən altıncı Renault motoru qoyulub…