Hamı yenidən pit-leynə qayıtdıqdan sonra uzun fasilə yaranıb, baxmayaraq ki, həmin anda yağış artıq kəsilib və start vermək mümkün olub. O anda yarış direktorundan bununla bağlı izahat verilməyib, lakin finişdən sonra FİA bəyanat yayıb və baş verənlərə aydınlıq gətirib.
Məlum olub ki, fasilə trasdakı unikal şəraitlə əlaqədar olub: bəzi maşınlar güc itirib və FİA-nın texniki departamenti enerji sərfiyyatı ilə bağlı məhdudiyyətləri aradan qaldıran proqram təminatı yeniləməsi hazırlayıb. Fasilə zamanı komandalar bu patçı maşınlara quraşdırıblar.
“Qran Prinin isinmə dövrəsi zamanı mühərrikin aşağı dövrləri, trasla zəif ilişmə, yağış şəraiti üçün enerji idarəetmə sisteminin sazlamaları və Sepanq trasın sektor konfiqurasiyasının misli görünməmiş kombinasiyası bəzi maşınlarda gözlənilməz güc itkisinə səbəb olub, – deyə FİA-nın bəyanatında bildirilib. – Bununla əlaqədar FİA-nın texniki departamenti proqram təminatını yeniləyərək trasın problemli hissələrində enerji sərfiyyatı məhdudiyyətlərini aradan qaldırıb.
Yeniləmə güclü yağışın yaratdığı yarış fasiləsi zamanı bütün komandalara göndərilib ki, bu da startdan əvvəl güc qurğularının sazlamalarına zəruri dəyişikliklər etməyə imkan verib.
Əvvəllər bu zəiflik nə FİA mütəxəssisləri, nə də komandalar tərəfindən – nə mövsümöncəsi testlər zamanı, nə də start düzlüyünə çıxış zamanı aşkarlanmayıb. FİA komandalar və güc qurğusu istehsalçıları ilə birlikdə bu insidenti hərtərəfli araşdıracaq”.
