Rəsmən: Avstriya Səhiyyə Nazirliyi yarışa icazə verib

Nazirlik Formula1-in təqdim etdiyi təhlükəsizlik planını təsdiq edib. Buna görə də, Red Bull Rinqdə iki yarışın keçirilməsi üçün heç bir rəsmi maneə yoxdur. Təbii ki, boş tribunalar önündə.

F-1.az bildirir ki, sözügedən dövlət qurumun mütəxəssisləri tərəfindən onlara təqdim olunan sənədləri ətraflı araşdırdıqları, Formula1 rəhbərliyinin planlarına və yarışların təşkil edilməsinə yaşıl işıq yandırdıqları rəsmən açıqlanıb.

Rudolf Anşober, Avstriyanın səhiyyə naziri: “Təşkilatçılar Formula1 yarışının təşkili üçün koronavirusun yayılmasının qarşısını alacaq tədbirlərin də nəzərə alındığı bir konsepsiya tədim etdilər. Bizim fikrimizcə, bu konsepsiya bütün tələblərə cavab verir. Xüsusi qaydalar hazırlanıb ki, bununla da təhlükəsizlik təmin ediləcək”.

Bu qərardan sonra Şpilberqdə ardıcıl iki yarışın baş tutması ehtimalı daha da artıb. İndi isə təqvimin ən azından Avropa hissəsinin bu günlərdə təsdiq edilməsini gözləmək qalır.

,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*