F-1.az xatırladır ki, Renault bu il əvvəlki illərə nisbətən daha güclü görünür. Fransızlar hazırda 5-ci yerdə olsalar da, 4-cü yer üçün ən böyük favoritdirlər.
Siril Abitebul: “Çin və Bəhreyndə eyni nəticələri aldıq. Amma Çindən sonra başa düşdük ki, bəxtdən başqa özümüz də güclüyük. Rəqiblərimizlə mübarizə apara bilirik və peletondakı 4-cü mühərrik-şassi-sürücü kombinasiyasına sahibik. Bunu təkmilləşdirməliyik. Renault-nun hədəfi budur. Bakıda şassi ilə bağlı bəzi yeniliklərimiz olacaq. Xüsusilə də qanadlar və saydpodlarda. Barselonada isə mühərriklə bağlı yeniliklər gətirəcəyik. Bu yeniliklər performansımızı qorumağa kömək edəcək”.
