F-1.az xəbər verir ki, pouldan start alan, yarışın ortalarından etibarən mühərrik problemi ilə qarşılaşmasına baxmayaraq, finişə qədər mövqeyini qoruyaraq mövsümdə ikinci qələbəsini qazanan Red Bull-un sürücüsü Daniel Rikkardo “Günün Sürücüsü” seçilib. Avstraliyalı sürücü cari mövsümdə bu ada ilinci dəfə layiq görülür. “Günün Sürücüsü” seçildiyi Çin Qran Prisində də qələbə qazanmışdı.
Rikkardo keçən il iki dəfə, 2016-cı ildə isə bir dəfə azarkeşlərin rəğbətini qazana bilib.
Qeyd edək ki, seçim azarkeşlərin səsverməsinə əsasən edilir. Səsvermə hər yarışın son 10 dövrəsi ərzində Formula1-in rəsmi internet saytında (f1.com/vote) keçirilir.
| Yarış | Günün Sürücüsü |
| Avstraliya Qran Prisi | Fernando Alonso |
| Bəhreyn Qran Prisi | Pyer Qasli |
| Çin Qran Prisi | Daniel Rikkardo |
| Azərbaycan Qran Prisi | Şarl Lekler |
| İspaniya Qran Prisi | Lyuis Həmilton |
| Monako Qran Prisi | Daniel Rikkardo |
