İtaliyanın Modena şəhərində tezliklə Enzo Ferrarinin muzeyi açılacaq. Muzey kompleksi 5 min kv.metr ərazini əhatə edəcək, kompleksin əsasını əfsanəvi brendin yaradıcısının 1898-ci ildə anadan olduğu ev təşkil edir. Muzeyin qurulması 2009-cu ildə başlayıb və 18 milyon Avroya başa gəlib – martın 10-da “Əfsanə belə doğulub” adlı ekspozisiyanın açılışı nəzərdə tutulub.
Aydındır ki, muzeyin əsas eksponatları qırmızı idman və yarış vatomobilləri olacaq, amma nadir sənədlərin, xatirə şəkillərinin və əşyaların da nümayişi gözlənilir.
Fondazione Casa di Enzo Ferrari fondunun prezidenti Mario Tedeçini bildirib ki, “gərgin və intensiv işlərdən sonra tezliklə muzeyin açılmasını səbirsizliklə gözləyirik…”
