Baş verənlərin hallarını, video yazıları, telemetriyanı, radio danışıqlarını araşdırdıqdan və sürücüləri dinlədikdən sonra stüardlar müəyyən ediblər ki, həm Həmilton, həm də Louson yavaş dövrədə olublar, lakin Louson sürətli dövrəsinə başlamağa hazırlaşıb. Komanda Həmiltona yaxınlaşan Louson barədə iki dəfə xəbərdarlıq edib, amma Lyuis yarış direktorunun təlimatlarının əksinə olaraq mümkün qədər sola çəkilməyib və yarış trayektoriyasında qalıb, Racing Bulls-un sürücüsü də 19-cu döngədə ona orada çatıb.
Nəticədə Liam toqquşmadan yayınmaq üçün sadəcə qaz pedalını buraxmayıb, həm də əyləcə yüngül toxunub.
Bu hərəkətlərə görə Lyuis Həmilton yarış xəbərdarlığı alıb, bu da onun üçün mövsümdə ikinci belə hal olub.
