Qurumaqda olan tras. Buludlu. Havanın temperaturu +15°-16° C, trasın temperaturu +16°-17° C

Bu gün Pirelli kevlar əsaslı yenilənmiş Medium təkərlərini yoxlamağı planlaşdırmışdı, komandalar isə hazırladıqları yeniləkləri test etmək istəyirdilər – amma hava şəraiti hamının planını pozub. Yağış hələ dünəndən başlayıb və bu gün səhərədək davam edib. Sərbəst yürüşlərin başlanmasına bir az qalmış yağış dayansa da, asfalt nəm olub – sürücülər trasa yağış təkərləri ilə çıxıblar.

Caterham-də Şarl Piki Aleksander Rossi əvəz edib, digər komandalarda isə əsas sürücülər işləyiblər. Hava soyuq olduğundan tras gec quruyub, ona görə də sessiyanın ilk yarısı trasda iş getməyib.

Sessiyanın ortasında Jül Byanki 3-cü və 4-cü döngələrin arasındakı təhlükəsizlik zonasında dayanıb və mühəndislərin xahişi ilə mühərriyi söndürüb.

Sessiyanın sonuna 20 dəqiqə qalmış Jan Erik Vern yenilənmiş Medium təkərlərə keçib, amma trasın bəzi yerləri hələ kifayət qədər sulu olub. Sessiyanın sonunda digər sürücülər də yenilənmiş təkərlərə keçsələr də, onun effektliyini tam qiymətləndirə bilməyiblər.

Sessiyanın sonunda isə Pastor Maldonado 4-cü döngədə baryerlərə çırpılıb – yürüşlər sarı bayraqlar altında başa çatıb. Protokollara isə sonuncu dəqiqələrdə Pol di Resta başçılıq edib – 1:21.020.

Nəticələr belə olub:

Quru. Buludlu. Havanın temperaturu +21°-22° C, trasın temperaturu +22°-23° C

Bu gün səhər hava soyuq və yağışlı olub, sessiyanın əvvəlində tras qurusa da, hələ çox çirkli idi. Hava proqnozu isə yeni yağış vəd edirdi, görüləsi iş çox olduğundan komandalar trasa tələsiblər. Bu mərhələyə maşınlar ciddi təkmilləşdirilib – mövsümdə ilk dəfə asfalta yatma qüvvəsinin aşağı səviyyəsini tələb edən aerodinamik konfiqurasiyadan istifadə olunacaq, ona görə də əyləclərin effektliyini, soyutma sisteminin effektliyini, Pirelli-nin yumşaq təkərlərinin effektliyini qiymətləndirmək lazım idi.

Sessiyanın əvvəlində trasa bir neçə damcı yağsa da, komandaların işinə mane olmayıb. Sürücülər bir neçə dəfə səhvə yol veriblər, amma ciddi insident sessiyanın sonuna 40 dəqiqə qalmış yaşanıb – Heykki Kovalaynen 9-cu döngədə ciddi qəzaya uğrayıb.

Restartdan sonra sürücülər proqramalrı üzrə işləməyə davam ediblər. Protokollara Lyuis Həmilton başçılıq edib – 1:15.564…

Nəticələr belə olub:

Quru. Günəşli. Havanın temperaturu +19° C, trasın temperaturu +33° C

Nahardan əvvəl komandalar Soft və Medium tərkibləri ilə işləyiblər, Medium tərkibi mövsümdə ilk dəfə iki həftə sonra Valensiyada debüt edəcək.

Elə birinci dövrəsində Yarno Trulli quş vrub – mexaniklər ön antiqanadın sazlığını yoxlamalı olublar. Sebastyan Fettel sessiyanın sonuna yarım saat qalmış qəzaya uğrayıb – sonuncu dünya çempionu “Çempionlar divarı”nın statusunu təsdiq edib. Sessiya qrımızı bayraqlarla dayandırılıb, sürücü zədə almayıb.

Protokollara Niko Rosberq başçılıq edib – almaniyalı sürücünün göstərdiyi nəticə (1:15.591) keçənilki cümə və şənbə sərbəst yürüşlərinin nəticəsindən üstün olub…

Nəticələr belə olub: