F-1.az xəbər verir ki, siyahıya futbol, o cümlədən amerikan, basketbol, boks, tennis, qolf, beysbol və avtoidman növlərinin nümayəndələri daxildir.
Lyuis Həmilton və Maks Ferstappen müvafiq olaraq 65 milyon və 64 milyon dollar qazancla gözlənildiyi kimi, ən çox maaş alan sürücülər olublar. Qalan reytinq iştirakçılarının standartlarına görə belə “təvazökar” gəlir Lyuis və Maksın hətta ilk iyirmiliyə girməsinə imkan verməyib. Mercedes sürücüsü 21-ci, hazırkı dünya çempionu isə 22-ci yerdə qərarlaşıblar. Başqa heç bir avtoidman nümayəndəsi ilk 50-yə daxil ola bilməyib.
Eyni zamanda, Maks Ferstappen 25 yaşa qədər ən çox maaş alan idmançıların ilk üçlüyünə daxil olub, yalnız futbolçu Kilian Mbappe (120 milyon dollar) və amerikalı futbolçu Kayler Mörreydən (70,5 milyon dollar) geri qalıb.
Kriştianu Ronaldu Ən Nasr və Portuqaliya milli komandaları üçün dünyanın ən çox maaş alan idmançısıdır. Forbes ekspertləri onun gəlirini 136 milyon dollar qiymətləndiriblər.
2023-cü İLİN ƏN YÜKSƏK MAAŞ ALAN İDMANÇILARI
| İdmançı | Ümumi gəliri, milyon $ | İdman növü |
| 1. Kriştianu Ronaldu | 136.0 | Futbol |
| 2. Lionel Messi | 130.0 | Futbol |
| 3. Kilian Mbappe | 120.0 | Futbol |
| 4. Lebron Ceyms | 119.5 | Basketbol |
| 5. Saul Alvares | 110.0 | Boks |
| 6. Dastin Conson | 107.0 | Qolf |
| 7. Fil Mikelson | 106.0 | Qolf |
| 8. Stefen Karri | 100.4 | Basketbol |
| 9. Rocer Federer | 95.1 | Tennis |
| 10. Kevin Dyurant | 89.1 | Basketbol |
| … | ||
| 21. Lyuis Həmilton | 65.0 | Formula1 |
| 22. Maks Ferstappen | 64.0 | Formula1 |
