Parisin Pitie Salpetriere klinikasının mütəxəssislərinin keçirdikləri tibbi müayinə təsdiq edib ki, Felipe Massanın görməsi Macarıstan qəzasından sonra 100% bərpa olub. Bazar ertəsi Felipe Formula1 maşınının sükanı arxasına oturmağa hazırlaşır – qəzadan sonra ilk dəfə o trasa Ferrari F2007-ni çıxaracaq. Amma bundan əvvəl o daha bir neçə müayinədən keçməlidir…
Ferrari-nin yaydığı mətbuat relizində deyilir: “İlk nəticələr pozitivdir. Hər şeydən əvvəl, oftalmoloji müayinə təsdiq edib ki, Felipenin sol gözünün funksiyaları 100% bərpa olub.”
Bu gün Felipe yerli həkimlərlə işini davam etdirəcək…
