F-1.az bildirir ki, FİA bu keçidi nəzarətdə saxlayacaq – komandanın bu prossesdən xüsusi üstünlüklər əldə etməyəcəyinə əmin olmaq lazımdır. Komandanın rəhbəri isə bildirib ki, belə bir nəzarətə hazırdırlar.
Andreas Zaydl: “Yeni reqlamentə keçidin təxirə salınması planlarımıza təsir etdi. Mercedes motorunu yeni qaydalara uyğun maşına quraşdırmağı düşünürdük, lakin vəziyyət dəyişdi. Əlbəttə, yeni motoru yerləşdirərkən şassidə dəyişikliklər etmək imkanımız məhdud olacaq. FİA ilə razılaşmışıq – sadəcə yeni motor üçün vacib olan dəyişiklikləri edəcəyik və əlavə üstünlük qazanmamağımız üçün maşının qalan detallarına toxunmayacağıq”.
