Ferrari komandası Xeres testlərinin ikinci həftəsinə F10-un ikinci şassisini gətirib – hazırda trasda maşınla Felipe Massa işləyir…
Komandanın bildirdiyinə görə, bu gün yerli vaxtla saat 9:00-da Felipe Massa trasa F10-nun ikinci şassisini çıxarıb. Braziliyalı gecə yağan yağışdan sonra hələ nəm olan trasa yağış təkərlərlə çıxıb. Komanda ümid edir ki, gün ərzində hava yaxşılaşacaq. Komanda həm də pit-stopda yeni işıq siqnal sistemini də yoxlayıb.
Maşının yeni şassisi daxili 282 indeksini alıb. Əvvəlki həftədə istifadə olunan maşının konfiqurasiyasından demək olar ki, fərqlənməyən maşında bir neçə yeni element, o cümlədən yeni diffuzor peyda olub. Komanda əsas yenilikləri mövsümöncəsi testlərin gələn həftə Barselonada baş tutacaq son seriyasına saxlayır…
