Bu ildən Ferrari komandasında yarışacaq ikiqat dünya çempionu Fernando Alonso yaşayış yerini dəyişir – bu barədə İsveçrənin Blick qəzeti xəbər yayıb.
Formula1-in bir çox sürücüləri sakit İsveçrədə yaşamağa üstünlük verirlər – bura milyonçular üçün vergi cənnəti hesab olunur. Son günlərə qədər Alonso ölkənin qərbindəki Mon-sür Rol əyalətində yaşayırdı, amma indi Ferrari-nin bazasına yaxın olan Luqano rayonuna köçür.
Qəzetin bildirdiyinə görə, Fernando Alonso Yarno Trulli, Vitantonio Liutsi və keçmiş sürücü Miko Salo ilə qonşu olacaq…