F-1.az xəbər verir ki, Batton komandası ilə 2 illik yeni müqavilə imzalayıb. Lakin o, gələn il yarışmayacaq. Maşının inkişafı üçüb çalışacaq Battonu gələn mövsümdə Stoffel Vandorn əvəz edəcək. Lakin yeni müqavilədə 2018-ci ildə yenidən yarışmaq bəndi var.
Censon Batton: “Formula1 karyeramı bitirmirəm. Əksinə, 2017-ci və 2018-ci illər üçün müqaviləm var. Maşını inkişaf etdirmək üçün çox çalışmaq niyyətindəyəm. Gələcəkdə yenidən sükan arxasına keçəcəyimə əminəm. Komandanın vacib üzvlərindən biri olmaqda davam edəcəyim üçün çox xoşbəxtəm. McLaren-dəki yeni roluma görə həyəcanlanıram. Bu qərara Ron Dennislə etdiyim uzun söhbətdən sonra gəldim. McLaren Honda-nı sevirəm. Burda əla insanlarla çalışıram və başqa komandanın uğuru üçün çalışmaq niyyətim yoxdur”.
