Sebastyan Kimiyə dəstək verib, o, Mexikoya gələ bilməyib, amma gənc italiyalını təbrik etdiyi xüsusi video müraciət yazdırıb.
Sebastyan Fettel: “Təbrik edirəm, dünya çempionu! Dünya çempionu! İnanılmazdır! Bizlərdən çox azına buna nail olmaq qismət olub və heç kim bunu bu qədər gənc yaşda bacarmayıb.
Sən maraqlısan. Dinləməyi bacarırsan. Tez öyrənirsən. Cəsarətlisən. Bolidi təmiz idarə edirsən və vəziyyəti nəzarətdə saxlayırsan, amma lazım olanda limitdə hücum etməyə də qadirsən. Sən anlayırsan ki, yalnız nəzarət edə bildiyin şeyləri idarə edə bilərsən. Səndə nəticəyə yönəlmiş unikal fokus var. Səni izləmək mənə zövq verir.
Mən ilk titulumu qazananda finiş xəttini keçdiyim anda hər şey dəyişdi. Məni duyğular bürümüşdü. Mən maşından düşdüm və ətrafımdakı dünya tam sürətlə fırlanırdı. Bu, qəfil duyğu axını idi. Heç nəyi götür-qoy etmək mümkün deyildi. Bir neçə gün pis yatdım, ona görə buna hazır ol.
Amma nəhayət hər şeyi dərk etdiyim anı xatırlayıram – kuboku əlimdə tutarkən və onun üzərində digər çempionların adlarını görəndə. Qürur və məmnunluq hiss edirdim. Anladım ki, ən gözəl an həlledici yarışda finiş xəttini keçmək deyil, buna aparan bütün yarışlardır. Bir yarışın özü heç nə demək deyil. Əsas olan iştirak etdiyimiz bütün yarışlardır”.
