Əbu Dabi-2023: Ferstappen mövsümü 19-cu qələbəsi ilə başa vurdu

F-1.az xəbər verir ki, bütün sürücülər çempionatda qalır, yalnız Loqan Sarcentin müqaviləsi ilə bağlı suallar var, lakin Toro Rosso/AlphaTauri-nin rəhbəri, komandaya 18 il rəhbərlik edən Frants Tost Formula1-i tərk edir. Titul sponsoru Alfa Romeo və 27 il komanda ilə 527 Qran Pridə çalışmış fizioterapevt Cozef Leberer Sauber ilə yollarını ayırırlar. Formula1 tarixində daha bir səhifə başa çatıb.

Cümə günü Lekler, şənbə günü səhər Rassell liderlik ediblər, Ferstappen isə sıralanma turunda qalib gəlib.

Təkər istehsalçıları həftəsonuna ən yumşaq təkər tərkiblərini – Hard, Medium və Soft rollarında C3, C4 və C5 gətiriblər. Stroll, Sayns və Bottas Hard-la, qalanları isə Medium-la yarışa başlayıblar.

Startda Ferstappen liderliyini qoruyub. Norris bir mövqe qazanıb, Həmilton üç yer irəli çıxıb, lakin Peresi trasdan kənarda keçib. 2-ci dövrənin sonunda ilk onluq: Ferstappen – Lekler – Piastri – Norris – Rassell – Tsunoda – Alonso – Qasli – Həmilton – Peres.

3-cü dövrədə Peres 9-cu yer uğrunda mübarizədə Həmiltonu qabaqlayıb – daha doğrusu Lyuis mövqeyini geri qaytarıb. 6-cı dövrədə Maqnussen, 8-ci dövrədə Rikkardo təkərlərini dəyişiblər. 11-ci dövrədə Rassell dördüncü yer uğrunda mübarizədə Piastrini keçib. Peres Qaslini qabaqlayaraq səkkizinci yerə yüksəlib.

12-ci dövrədə Alonso, 14-cü dövrədə Piastri, Hülkenberq və Çjou, 15-ci dövrədə Norris və Rassell təkərlərini dəyişiblər. Landonun maşınına qulluq edərkən kiçik ləngimə olub. 16-cı dövrədə Həmilton, Okon və Sarcent də mexaniklərin qonağı olublar.

Pit-stopdan sonra Həmilton və Qaslinin maşınları təmas yaşasa da, stüardlar onlara sanksiya verməkdən imtina ediblər. 17-ci dövrədə Ferstappen və Əlbon, 18-də Lekler, Sayns, Peres və Qasli pit-stop ediblər.

Frants Tostun son Qran Prisində yarışa Yuki Tsunoda liderliyə yüksəlib!

23-cü dövrədə Norris Saynsı, Həmilton Bottası qabaqlayıb, Tsunoda boksa yollanıb, Sayns isə təkərləri dəyişdirərək yenidən trasa dönüb. 25-ci dövrədə Peres Alonsonu, Həmilton isə Rikkardonu qabaqlayıb. 25-ci dövrədə ilk onluq: Ferstappen – Lekler – Rassell – Norris – Piastri – Peres – Alonso – Rikkardo – Tsunoda – Həmilton.

Həmilton Rikkardo və Tsunodanı qabaqlayaraq səkkizinci yerə yüksəlib. Yarışın yarısında günəş Əbu Dabidə tam batıb. Yarışın yayımı daha da təsiredici olub.

32-ci dövrədə Rikkardo, 33-də Qasli, 34-də Norris və Hülkenberq, 35-də Rassell, 36-da Lekler və Həmilton, 37-də Piastri və Alonso yenidən təkərlərini dəyişiblər.

Piastri və Həmilton Alonsonu qabaqlayıblar, Fernando mühəndisə avtomobilin düz yolda sürətini itirməsindən şikayətlənib, lakin Lyuisi qabaqlayıb. 40-cı dövrədə ilk onluq: Ferstappen – Peres – Lekler – Rassell – Tsunoda – Norris – Stroll – Piastri – Sayns – Okon.

43-cü dövrədə Norris beşinci yer uğrunda mübarizədə Tsunodanı keçib. Peres və Stroll boksa yollanıblar, bir dövrə sonra Ferstappen və Əlbon da eyni addımı atıblar. 48-ci dövrədə Peres altıncı döbgədə Norrisə hücum edib – maşınlar təmas yaşayıblar və Serxio stüardlardan beşsaniyəlik penalti alıb. Hamilton 9-cu yer uğrunda mübarizədə Saynsın önünə keçib. 50-ci dövrədə ilk onluq: Ferstappen – Lekler – Rassell – Peres – Norris – Piastri – Tsunoda – Alonso – Həmilton – Sayns.

51-ci dövrədə Okon 11-ci yer uğrunda Strollu qabaqlayıb. 57-ci dövrədə Sayns pitə yönəlib və mübarizəni dayandırıb. Son dövrədə Lekler Peresin ikinci yerə yüksəlməsinə icazə verib ki, meksikalının nəticəsinə beşsaniyəlik penalti əlavə etdikdən sonra Serxio yenə də Rassellin önündə qalsın və Mercedes-dən xal alsın, lakin bu hiylə işə yaramayıb.

Maks Ferstappen karyerasında 54-cü, mövsümdə isə 19-cu qələbəsini qazanaraq Əbu Dabidə ardıcıl 4-cü zəfərinə sevinib – bundan əvvəl bir il ərzində heç kim bu qədər yarış qazanmayıb. Podiumun ikinci pilləsini Şarl Lekler, üçüncü pilləsini Corc Rassell tutublar.

2023-cü il mövsümü başa çatıb. Çərşənbə axşamı Əbu Dabidə gənc sürücülərin və gələn mövsümün təkər testləri keçiriləcək.

Tezliklə Yeni il bayramları, yeni avtomobillərin təqdimatları, mövsümöncəsi testlər gəlir! 2024-cü il Bəhreyn Qran Prisinə cəmi 97 gün qalır. Zaman tez keçəcək!

Əbu Dabi Qran Prisi

* Serxio Peresin yekun nəticəsinə Lando Norrislə insidentə görə 5 saniyə əlavə olunub

Sürətli dövrə: Maks Ferstappen (Red Bull) – 1:26.993 (45-ci dövrə, 218.541 km/saat)

SÜRÜCÜLƏRİN ÇEMPİONATI:

Yer	N	Sürücü	Ölkə	Komanda	Xal
1	1	Maks Ferstappen		Oracle Red Bull Racing	575
2	11	Serxio Peres		Oracle Red Bull Racing	285
3	44	Lyuis Həmilton		Mercedes-AMG PETRONAS F1 Team	234
4	14	Fernando Alonso		Aston Martin Aramco Cognizant F1 Team	206
5	16	Şarl Lekler		Scuderia Ferrari	206
6	4	Lando Norris		McLaren F1 Team	205
7	55	Karlos Sayns		Scuderia Ferrari	200
8	63	Corc Rassell		Mercedes-AMG PETRONAS F1 Team	175
9	81	Oskar Piastri		McLaren F1 Team	97
10	18	Ləns Stroll		Aston Martin Aramco Cognizant F1 Team	74
11	10	Pyer Qasli		BWT Alpine F1 Team	62
12	31	Esteban Okon		BWT Alpine F1 Team	58
13	23	Aleksandr Əlbon		Williams Racing	27
14	22	Yuki Tsunoda		Scuderia AlphaTauri	17
15	77	Valtteri Bottas		Alfa Romeo F1 Team Stake	10
16	27	Niko Hülkenberq		MoneyGram Haas F1 Team	9
17	3	Daniel Rikkardo		Scuderia AlphaTauri	6
18	24	Qunayu Çjou		Alfa Romeo F1 Team Stake	6
19	20	Kevin Maqnussen		MoneyGram Haas F1 Team	3
20	40	Liam Louson		Scuderia AlphaTauri	2
21	2	Loqan Sarcent		Williams Racing	1

MÜHƏNDİSLƏR KUBOKU: