F-1.az xəbər verir ki, birinci sessiya ilə müqayisədə, asfaltın vəziyyəti yaxşılaşıb. Sürücülər bokslarda çox vaxt itirməyiblər, əsas diqqəti uzun məsafələr qət edərək təkərlərin səmərəliliyini yoxlamağa sərf ediblər. Elektrik problemləri üzündən ilk məşqləri buraxan Ferstappen bu dəfə trasa ən tez çıxan sürücülərdən biri olub.
Startdan 13 dəqiqə sonra Eriksson idarəetməni itirərək trasdan çıxıb. Lakin çınqıllı zona ona sürəti azaltmasında kömək edib və baryerlərlə toqquşmaqdan qurtulub. Sona 15 dəqiqə qalmış Rəykkönen mühəndisin göstərişi ilə maşını üçüncü döngədəki təhlükəsizlik zonasında saxlayıb. Buna səbəb pit-stop zamanı sağ ön təkərin yaxşı bağlanmaması olub.
Sessiyanın ən sürətlisi də elə Rəykkönen olub – 1.29:817. Fettel ona cüzi uduzub. Bugünkü məşqlər sıralanma turu simulyasiyasında Ferrari-nin öndə olduğunu, yarış simulyasiyasında isə Red Bull-un tempinin daha yaxşı olduğunu göstərib. Lakin bu gün komandaların motorun resursunu qorumağa çalışdığını nəzərə alsaq, şənbə gününün daha maraqlı keçəcəyini deyə bilərik.
| Yer | N | Sürücü | Komanda | Zaman | Fərq | Dövrə |
| 1 | 7 | Kimi Rəykkönen | Ferrari | 1:29.817 | – | 32 |
| 2 | 5 | Sebastyan Fettel | Ferrari | 1:29.828 | + 0:00.011 | 37 |
| 3 | 77 | Valtteri Bottas | Mercedes AMG | 1:30.380 | + 0:00.563 | 31 |
| 4 | 44 | Lyuis Həmilton | Mercedes AMG | 1:30.472 | + 0:00.655 | 32 |
| 5 | 33 | Maks Ferstappen | Red Bull | 1:30.745 | + 0:00.928 | 32 |
| 6 | 3 | Daniel Rikkardo | Red Bull | 1:30.751 | + 0:00.934 | 31 |
| 7 | 27 | Niko Hülkenberq | Renault | 1:31.220 | + 0:01.403 | 34 |
| 8 | 10 | Pyer Qasli | Toro Rosso | 1:31.232 | + 0:01.415 | 38 |
| 9 | 14 | Fernando Alonso | McLaren | 1:31.282 | + 0:01.465 | 29 |
| 10 | 2 | Stoffel Vandorn | McLaren | 1:31.422 | + 0:01.605 | 35 |
| 11 | 8 | Roman Qrojan | Haas | 1:31.591 | + 0:01.774 | 33 |
| 12 | 55 | Karlos Sayns | Renault | 1:31.601 | + 0:01.784 | 34 |
| 13 | 31 | Esteban Okon | Force İndia | 1:31.809 | + 0:01.992 | 31 |
| 14 | 11 | Serxio Peres | Force İndia | 1:31.868 | + 0:02.051 | 34 |
| 15 | 20 | Kevin Maqnussen | Haas | 1:31.969 | + 0:02.152 | 35 |
| 16 | 16 | Şarl Lekler | Sauber | 1:32.372 | + 0:02.555 | 37 |
| 17 | 18 | Ləns Stroll | Williams | 1:32.382 | + 0:02.565 | 30 |
| 18 | 35 | Sergey Sirotkin | Williams | 1:32.474 | + 0:02.657 | 37 |
| 19 | 9 | Markus Eriksson | Sauber | 1:32.733 | + 0:02.916 | 32 |
| 20 | 28 | Brendon Hartli | Toro Rosso | 1:32.908 | + 0:03.091 | 38 |
