Son bir neçə həftə Avstraliya Qran Prisi ətrafında davam edən qalmaqal Formula1 mərhələsinin təşkilatçıları və yerli CAMS avtoklubunun nümayəndələri arasındakə danışıqlardan sonra uğurla həll olunub. Xatırladaq ki, qalmaqal maliyyə müstəvisində qızışmışdı və 2011-ci ildə Albert Parkda yarışın ləğvi ilə nəticələnə bilərdi.
Rəsmi bəyanatda bildirilir ki, bütün məsələlər yoluna qoyulub: “CAMS şaddır ki, razılıq əldə edilib və Formula1-in ən maraqlı mərhələlərindən birinin təşkilatçılığını davam etdirməyə hazırdır. Bizim mütəxəssislər bütün dünyada tanınınır və yüksək standartlarla işləyirlər. Onlar Avstraliya Qran Prisinin keçirilməsinə vacib töhvə verəcəklər.”
Çempionatın ilkin təqvimində Yaşıl qitədə gələn mövsümün yarışı 25-27 martda nəzərdə tutulub…
