“FİA məhkəmələri ICA-2026-06-07-08-09 işi üzrə qərar çıxarmış hakimlər kollegiyasının müstəqilliyi və qərəzsizliyini şübhə altına alan ictimai rəylərdən xəbərdardır, – deyə yayımlanan bəyanatda bildirilib. – FİA məhkəmələri vurğulamaq istəyir ki, bu işdə, eləcə də istənilən digər işdə hakimlərin təyin olunması və iştirakına FIA-nın tətbiq olunan məhkəmə prosedurlarına və beynəlxalq arbitrajda maraqlar toqquşması üzrə IBA Təlimatları kimi ən yüksək standartlara əsaslanan adi praktikaya uyğun şəkildə həyata keçirilib.
Bütün hakimlər FİA Baş Assambleyaları tərəfindən seçilir, onların bir qismi isə FİA-nın nizamnaməsinə uyğun olaraq, ən azı beş Formula 1 komandasından ibarət qrupun təklifi ilə irəli sürülür.
Həm dinləmənin əvvəlində, həm də sonunda tərəflərə araşdırma və ya məhkəmənin tərkibi ilə bağlı istənilən məsələni qaldırmaq təklif olunub, lakin heç kim bunu etməyib. Dinləmə zamanı məhkəmənin şahidləri dindirməsi və ya araşdırmanı aparması ilə bağlı heç bir etiraz səsləndirilməyib.
ICA vurğulayır ki, hakimlər kollegiyasının fərqli mədəni və coğrafi regionları təmsil edən üzvlərdən formalaşdırılması mühüm əhəmiyyət daşıyır. Bu, müzakirə və debatların hüquqi ənənələrin, baxışların və yanaşmaların müxtəlifliyini əks etdirməsinə kömək edir ki, bu da ədalətliliyi, müstəqilliyi, prosesə etimadı və ədalətli məhkəmə araşdırmasına çıxışı daha da gücləndirir.
Məhkəmənin qərarı onun hüquqi qüvvəsi ilə bağlı müxtəlif şərhlər və rəylər üçün yer qoya bilər – bu, doğrudur və bütün hakimlər tərəfindən qəbul edilir. Məhkəmə araşdırmanın əsaslı olduğuna və hakimlərin dürüstlüyünə əmindir. FİA məhkəmələri öz hakimlərinin müstəqilliyinə və qərəzsizliyinə, eləcə də məhkəmə prosesinin bütövlüyünə sadiq qalmaqda davam edir.
Loran Anselmi (ICA və FİA Hakimlər Konqresinin prezidenti), Rui Botika Santos (IT prezidenti və Hakimlər Konqresinin vitse-prezidenti), Valtraud Vünş (ICA-nın vitse-prezidenti) və Jerar Martin (IT-nin vitse-prezidenti)”.
