Korsika Rallisində qəzaya uğrayan 59 yaşlı Ari Vatanen helikopterlə hospitala çatdırılıb. 1981-ci ildə Ralli üzrə dünya çempionu olmuş finlandiyalı sürücü iki il əvvəl FİA-nın prezidentliyinə namizəd olmuşdu. Vatanen Korsikada hakimlərin maşınını idarə edirmiş.
Reqlamentə uyğun olaraq İRC seriyasının növbəti mərhələsi ərəfəsində Vatanen və onun oğlu Maks trası yoxlayırlarmış. Amma altıncı xüsusi sahədə Arinin idarə etdiyi maşın çevrilib, onu müayinə üçün təcili hospitala çatdırıblar. Veteranın həyatına təhlükə yoxdur, Maks isə qəza zamanı zədələnməyib.
