F-1.az xəbər verir ki, Toro Rosso-nun rəhbəri Frants Tost sürücülərinin Melburnda sıralanma mərhələsinin son seansına qalacağına inanır: “Başqalarının dövrələri nə qədər yanacaqla vurduğunu bilmirik. Maşınımız yaxşı təsir bağışladı və Melburnda hər iki sürücümüzün son sensa keçə biləcəyini düşünürəm.
Testlərdə xeyli məsafə qət etdik. Etibarlılıq da daxil olmaqla hər şey yaxşı idi. Ümid edirəm ki, hər iki maşınımız finişi görər. Force İndia, Red Bull, McLaren və Haas-ın da yaxşı mübarizə aparacağını gözləyirəm. Biz əla hazırlaşmışıq və mövsümün ilk hissəsini yaxşı keçirəcəyimizə inanıram…”
