F-1.az xatırladır ki, Red Bull və Toro Rosso komandalarının bu mövsüm hansı mühərriklərdən istifadə edəcəkləri ilə bağlı uzun müzakirələr getmiş, Red Bull komandası Renault-yla yoluna davam etməyə qərar verərkən, Toro Rosso da Ferrari-nin 2015-ci il mühərriklərindən istifadə etməyi üstün tutmuşdu.
Auto Bild iddia edir ki, Fiat Chrysler konserninin rəhbəri, eyni zamanda da Ferrari-in prezidenti olan Sercio Markionne Toro Rosso-ya Alfa Romeo mühərriklərini təklif edib.
Red Bull komandasından adı çəkilməyən mənbə bu barədə deyib: “Bu təklif maddi məsələlərə görə reallaşmadı. Çünki Markionne Toro Rosso və ya Red Bull-un mühərrikin inkişafı üçün lazım olan xərcləri ödəməsini istəyirdi ki, buna da 30 milyon avroya yaxın pul lazımdır”.
Red Bull 2015-ci il Ferrari mühərriklərinin kifayət qədər yaxşı seçim olduğunu bildirib və ilk təklifi qəbul etməyib.
