FİA-nın mətbuat xidməti Herni Sörtizin ölümü və Felipe Massanın ağır yaralanması ilə nəticələnən insidentlərin araşdırılması barədə bəyanat yayıb…
Bəyanatda deyilir: “FİA prezidenti Maks Mosli Təhlükəsizlik Komissiyasından xahiş edib ki, Formula2 və Formula1-də baş vermiş hər iki insident barədə raport hazırlasın. Avtoİdmanın bütün qollarının tibbi və texniki xidmətlərindən ibarət olan bu komissiya öz təkliflərini Ümumdünya Şurasına təqdim edəcək.
İlkin araşdırmaların nəticəsinə görə, Felipe Massanın istifadə etdiyi şlem sürücünün ciddi zədələnməsinin qarşısını alıb. Şlemin səkkiz il ərzində hazırlandığı FİA8860 standartı sürücünün başını bütün sahələrdə qoruyur.”
