Monakodan aldığımız son xəbərlərə görə, Serxio Peresin vəziyyəti yaxşıdır. Sauber komandasının gənc sürücüsü hospitala yerləşdirilib, müayinə sürücüdə heç bir sınığın olmamasını müəyyən edib, sadəcə Serxionun başında və ayağında ağrılar var.
Peres gecəni hospitalda keçirəcək, sabah səhər onu daha bir müayinə gözləyir. İstisna deyil ki, həkimlər onu yarışın startına buraxacaqlar, onda Serxio yarışa karyerasının ən yüksək mövqeyindən – 10-cu yerdən başlayacaq.