Şarl Lekler: “Mən işimin öhdəsindən yaxşı gələ bilmədim. İsinmə dövrələrində təkərləri lazımi işçi pəncərəyə gətirmək son dərəcə çətin olub. Ən böyük problemləri də məhz burada yaşamışıq.
Üçüncü seqmentdə ikinci cəhdimdə nisbətən təmiz isinmə dövrəsi alınmışdı, amma maşın əvvəlkindən tam fərqli hiss olunurdu. Və nəticə göstərməli olduğum anda bunun öhdəsindən gələ bilmədim. Bir qədər məyus olmuşam, amma buradan üçüncü yerdən start almaq o qədər də pis deyil.
Maşınla kifayət qədər ciddi mübarizə aparmalı oldum, xüsusən də üçüncü seqmentdə. Nəticə etibarilə, hamı üçün şərtlər eyni olub.
Burada sıxma qüvvəsi yüksəkdir, amma trasla ilişmə çox azdır, buna görə də maşınla mübarizə aparmalı olursan. Belə şəraitdə onu həddə çatdırmaq maraqlıdır”.
